توافق ما توافق .. علي قرآن ناطق
رغم أنف الـيكرهون .. بيده صك الـيفوزون
يكتبه وبيه صادق

علي من الباري نزلت له الولاية
صبح بعد الرسول ابنص الآية .. صبح بعد الرسول ابنص الآية
علي وحبه الوسيلة الأسمى غاية
علي ويا ناصر الدين .. أبو العترة الميامين
بأيده تعلى البيارق .. علي قرآن ناطق

كتاب الباري واحد ماله ثاني
وعلومه انجمعت بسبع المثاني .. علومه انجمعت بسبع المثاني
صفت بالبسملة تلوح المعاني
وعلمها اتجمّعه الباء ..تضم نقطتها أنباء
وعلي النقطة بتطابق .. علي قرآن ناطق

توافق حيدر وبس ماكو غيره
عبارة الهادي قايلها بغديره .. عبارة الهادي قايلها بغديره
أخو الهادي النبي وصهره وَ وزيره
يعجبك لو يأذيك .. ولاية وغصبن عليك
والـيعارض منافق .. علي قرآن ناطق

توافق ما توافق ما يهمنا
علي الخيمة الجبيرة اللي تلمنا .. علي الخيمة الجبيرة اللي تلمنا
علي بيوم الحشر رافع علمنا
والـيبعضك يبو تراب ..أكيد بأصله مرتاب
أكيدن هاي واثق .. علي قرآن ناطق

توافق ما توافق يبقى حيدر
وصي الهادي النبي وبأسمه انتبشّر
ديظل بحقدك وظل أظهر الشر
تطيع أهل الضلالات .. تحرف بالعبارات
حقد بيكم ملازق .. علي قرآن ناطق