مْـن  ارض المدينه سافر الهادي بلبنين...و مـحّد بقى مْن اولاد حيدر بالحجازين

سـافر  بَـهل بـيته و بقت طيبه خليّه...ودّع  قـبـر جـدّه و عـبراته جـريّه
وبـن هـرثمه يـقلّه يـبن خير البريّه...عـجّل يـقلّه اتـوخّر الـنا بعد يومين

راح الـقبر جـدّه مـثل مـا راح جدّه...تـمرّغ  عـلى قبره وصب الدّمع عنده
إيـقلّه يـجدّي مـا بـعد هـالسّفر رَدّه...مـاشي  بـهل بـيتي يَجدّي والنّساوين

أصـبح و نـادى بـالرّحيل مْن المدينه...ودّع  قـبور الاهـل و الزّهرا الحزينه
و صـاحت الـنّاس اوداعة الله يا ولينه...هـاي الـيتامى والارامـل تلتجي وين

بالدّرب  جم برهان سوّى وشافت النّاس...ذل الـعدا وخـلّى الموالي رافع الرّاس
أشـجار  وانهار اسأل اللّي رجع للكاس...وبْـكل  وكت يبدي المعاجز و البراهين

بـغداد طـب و خـاليه ظـلّت ربوعه...وفـزعت أهـاليها النظر وجهه سريعه
و لَـرْض المدينه ابعيلته اتعذّر رجوعه...وسـافر  الْـسامرّا ونـزلها عمدة الدّين

بـس مـا نـزلها شـيعته عنّه امنعوها...و  جـاروا عليه و مهجته ابسم قطّعوها
حـتّى قـضا ومـلّة الـهادي ضيّعوها...بـديار  غـربه وعـزوته كلهم بعيدين

و  ابـنه مـحمَّد فـي بلد قاضي نحيبه...ومـن بـعدهم ظلّت ابوحشه بْلاد طيبه
و مـحّد بـقى بـيها من العتره النّجيبه...وبـديارهم  يـا حيف ينعب طاير البين

اجـتمعت عليه بس مانزل بيها اهمومه...دايـم  حـزين وجرّعه الطّاغي سمومه
وعْـلَى الـطّهر صار اعظم الايّام يومه...جـهّز  أبـوه و غـسّله بـمدامع العين