ياعلي ياعلي مبروك الك فاطمه *** القمر مبتهج والشمس باسمه
ليله مثلها ماجرت ابدا بهالزمن *** الحور فيها هلهلن هالمسا وصفقن
الأملاك فيها اتنزلوا وهنوا المؤتمن **** هنوا علي المرتضى وهنوا ام الحسن
والقمر والقمر دمع ابتهاجه همه *** والنجوم اصبحت تتغنه عالي السمه
بأمر من رب الورى هالزواج انعقد *** غير الوصي للزاكيه مايلوقن احد
لولا علي ماحد كفو عالبتوله عقد *** نورين واتحدوا سوا فاطمه والأسد
يالوصي يالوصي تستاهل العالمه *** يالبتول بعلي قدرش تعاله وسمه
زوّج الباري في السمه فاطمه بالامير *** من قبل يجري هالعرس عالوطيه ويصير
الاملاك شهدت هالفرح والزواج المثير *** در وزبرجد نثّرت طوبى بامر القدير
هالعرس هالعرس خلى الورى هايمه *** في القدر والفضل نال ارفع الاوسمه
ياشيعه يلا زغردوا بلبل الحب صدح *** هادينا دلاله ابتهج وانتشه وانشرح
احيوا المحافل واعلقوا فيها شمع الفرح *** فرّحوا الضماير واطردوا عنها غيم الترح
للفرح للفرح يلا انشروا الاعلمه *** كفكفوا هالمسا العبرةِ الساجمه
دره ولاكل الدرر بضعة المصطفه *** سيدة نسوان البشر فاطمه وكفه
من حقه حيدر لو فرح قلبه بام الوفه *** نال الفخار السرمدي منبع المعرفه
هالبحر هالبحر امواجه الزاخمه *** ويه بحر الوصي الطامي متناغمه
هالذكرى يابنت النبي تبقى حتى الحشر *** ليلتها نحييها بهنا وبفرح للفجر
شيعه وتسرنا للابد فرحة اولي الامر *** شيعه ولاجلكم عاللظى تمشي ويه الجمر
في المهج في المهج حبكم جرى والدمه *** نحمد الله اللي اعطانا هالمكرمه
