يالساكنة بروحي...يا زهراء يا زهراء
يا بلسم اجروحي...يا زهراء يا زهراء
رغم ما لاموني...انتي نور اعيوني
يا فاطمه يا فاطمه
انتي حياتي و مهجتي و دلالي...و هالعمر لازمتيني مثل اخيالي
يا صاح قالوا بيها انت اتغالي...إلهذا حجيهم و الله لا ما بالي
يالغالية اكتبته...بعيوني بعيوني
اسمج أنا احفظته...بعيوني بعيوني
الكل فهم مضموني...انتي نور اعيوني
يا فاطمه يا فاطمه...انتي نور اعيوني
يا فاطمه يا فاطمه
اوصية و أبويه بيها اللي وصاني...و للدوم يلهج بيها صار إلساني
حب فاطمه و لا تحب واحد ثاني...إلهذا السبب حبج سكن وجداني
بعروقي يتجاره...ما عوفه ما عوفه
امن الخالق أسراره...ما عوفه ما عوفه
الوادم ايعرفوني...انتي نور اعيوني
يا فاطمه يا فاطمه
لو مر عليه اسمج بأحلامي...أعياد تصبح يالوديعة أيامي
تدريني دوم الطاري شخصج ضامي...يا من تجسد بيج كل إسلامي
من عندج اكسبته...إيماني إيماني
و الله و تعلمته...إيماني إيماني
الهالسبب هابوني...انتي نور اعيوني
يا فاطمه يا فاطمه
خسران دنية و آخرة العاداكم...و بالطبع فايز كلمن الوالاكم
ما دار كل هذا الفلك لولاكم...يهل النبي لا و الله ما أنساكم
مولاتي سجليني...وياكم وياكم
ريتج تقبليني...وياكم وياكم
خلهم يسمعوني...انتي نور اعيوني
يا فاطمه يا فاطمه
