أنوارج زهرائية...حوراء انتي و أنسية
وجهج للهادي امراية...يا زهراء صار
اسمج لهل الحب آية...يا زهراء صار
من يوم وجهج ضوه يا أم الكواكب
رتلنه اسمج بسملة ابسفر العواقب
و كل حب إله فذ مرتبة و تقديسه واجب
بس حبج ايقول السمه امن أعله المراتب
هالحب بيه من وصّانه...نص اعليه بقرآنه
سر انتي ببحر القدرة...بحر الأنوار
و للهادي أهدى درة...بحر الأنوار
قبل آدم و حوى ضوه انتي انخلقتي
من جان عالماي العرش موجودة انتي
و مثل الشمس عالدنيه يا زهراء طلعتي
و للأرض جن قال السمه نزلت رحمتي
رحمة انتي و الله أنزلها...تشمل هالوادم كلها
بس خله اسمج و حروفه...سر الأسرار
يشبه حامي من شوفه...سر الأسرار
غصن النبوة فتّح و انتي زهرته
و بهذا عطر الفاطمي فاحت وردته
و حبج تغلغل بينه من أول نفحته
جن للأرض باري السمه أنزلها جنته
عطرج من بيه صّبحنه...زهرائيين أصبحنه
حبج تقدر توصل له...بس الأطهار
و ميحب الطاهر إله...بس الأطهار
حبينه و الحب مو مسائل عاطفية
حبنه مقدس بالقداسة الفاطمية
من فاضل الطينة انخلقنه الهاشمية
خلي يسمونه الجماعة رافضية
نرفض للرفضتي انتي...و اسمعنه اعليه اغضبتي
نرفض كلمن ما ودج...يم الأقمار
شيعية أحباب العندج...يم الأقمار
احنه الولاء انقدمه بذكرى الولادة
و بهذا محراب الوفه حبج عبادة
كلنه عبيد و خدمتج بيها السعادة
بس هذا حبج عالبشر خلانه سادة
من حبج هذا و أهله...يغتاط المشبوه أصله
شفناها اغتاطت منه...أبناء النار
و لازم تحقد عالجنة...أبناء النار
كل شيعي هذا يمزوه يوم القيامة
يلقون تضوي بجبهته و اسمج علامة
وشعدهم بيوم الحشر أهل الملامة
عدهم أسامي الساقطة هند و حمامة
و هناك يصير الموعد...يا هو ايحب يا هو اليحقد
حبج يكشف يا أطهر...يا هو الأبرار
يا هو الساقط بالمحشر...يا هو الأبرار
