حلم أتمنه أشوفه...ضريح إلكم و أطوفه

و أذان الشيعه أسمعه...بالمناره بالمناره

بقيع الغرقد بإحساسي زرته...مبني ابعالم الرؤية نظرته

فزيت و جريت إدموع سكته...يتحقق حلم أحزاني يمته

ثمن هاي الزياره...حياتي و مو خساره

أضوي إعيوني شمعه...بالمناره بالمناره

اشوكت أربع قبب أنظرها تضوي...يظل صوت الشعاير بيها يدوي

عروش الناصبه بدموعي تهوي...و أنادي يا علي و أقهر عدوي

أعاين للمناير...و أصيح أهلاً يزاير

علم حيدر أرفعه...بالمناره بالمناره

تره هاليوم مو من عمري أحسبه...أوقف بالبقيع و فوقي قبه

أجي للباب و أسجد لي إعله عتبه...ابسجل زوارهم إسمي أكتبه

عله أعناد النواصب...نجيهم بالمواكب

و نخلي الناعي ينعه...بالمناره بالمناره

تمنينه نزور أرض المدينه...راية حيدره اترفرف علينه

ندق أبوابهم و إنمد إيدينه...نسمعّهم مناحتنه و بجينه

سلام الله عليهم...زحف لازم نجيهم

نشاهد صوره روعه...بالمناره بالمناره

الروافض ترفض الذله ابطبعها...لأهل البيت ثورتها ابدمعها

يهود الأمة لازم نقتلعها...و لا تشرك بعد ما نسّتمعها

رحم عمري و ربيعي...البقيع ايصير شيعي

نقلهم ما كو بدعه...بالمناره بالمناره

قريبه و مو بعيده هالقضيه...البقيع ايصير مثل الغاضريه

و يجي صاحب الدوله المهدويه...يدلينه على قبر الزجيه

الظهوره الدنيه تصفه...الجماعه اتصلي خلفه

ابظهر خطب الجمعه...بالمناره بالمناره