يا دمعة التردهم...و اترجع شملهم
يا مُر الليالي...عالفارق له غالي
عالفارق له غالي...يا مُر الليالي
مشتاق مشتاق
يالربيت ابوسط عيني و بالبيابي امخدرة
شايلة أم بيت و عزوتي يالعفيفة امعتبرة
صرت ما بي شقولن و أنا املقب حيدرة
قوم ردي الدار وحشة شنهي نوم المقبرة
دارج يالزجية...وحشة ابهالمسية
يا ونه التلالي...عالفارق له غالي
عالفارق له غالي...يا ونه التلالي
مشتاق مشتاق
يالرحلتي ابغير وقتج ضاع طعم العافية
و ضاعت اوياج المحنه و الحجاية الدافية
يا هوه انتي ينسمة عذبة كلش صافية
يا لحد تعرف أخبرك بيك يا هي الغافية
قرآن المحنة...تفاحة الجنة
ما صار الجرالي...عالفارق له غالي
عالفارق له غالي...ما صار الجرالي
مشتاق مشتاق
يالتركتي بروحي شوقج يخجل إقباله الجمر
و الله مو مالت نواعي و طولج ايغسله السدر
انتي يالكلج هوه ما يرد روحي القبر
بيش أسكتها دمعتي و تستجن ابيا عذر
يا حرقة دمعتي...يا روحي و حسرتي
يصعب هذا حالي...عالفارق له غالي
عالفارق له غالي...يصعب هذا حالي
مشتاق مشتاق
يالعشرتج ماي زمزم شنهي يرويني الدمع
هوه لو يدري بمصابج جان طم روحه الشمع
اشقد غرفتي ابنهر ودج بس أحس روحش طمع
هم ترد ذيج الليالي و هم شملنه ينجمع
ما ترجع لي هيهات...واهس ضحكتي مات
يا دنيه اشبقالي...عالفارق له غالي
عالفارق له غالي...يا دنيه اشبقالي
مشتاق مشتاق
يم حسن عندج وصيه لو أبخ ماي الورد
راح أرد يعيون زينب راح أودعنج و رد
الما يضوقه لا يسولف سهمه جتال الفقد
و آنا صاحب روح ترفه وويني ووين البعد
يالصوتج أذاني...يا زهرة زماني
يتردد سؤالي...عالفارق له غالي
عالفارق له غالي...يتردد سؤالي
مشتاق مشتاق
