بالمشاعر و المناحر...نبني دولة للشعائر

بعاصف الزمن راية ترتفع...تصنع المجد ثورة الدمع

دولة الحزن منحر و ضلع...كلمن اعترف راسه ينقطع

لا تحاول...ما نجامل

احنه منبيع الضماير

القدمت ضلع هيه حاكمه...كل شي بالأرض إلها عاصمه

و الشعب كتب عهده بالدمه...كعبة الشرف تبقه فاطمه

اتملكتنه...شرفتنه

و شرفة أهل البصاير

دولة باقية تلعن الظلم...لآخر الدهر مدة الحكم

ما يمر زمن إلا بيه لطم...الحارب الدمع ينحسب خصم

حيدرية...فاطمية

بل حسينية المنابر

مأتم الحزن دولة الألم...فاطمه تجي اتسجل الخدم

اشما صحت حسين يكتب القلم...اليحرس الحظور صاحب العلم

للمجالس...هوه حارس

وي حبيب ابنَ مظاهر

ابكربله انبنت دولة الشعور...تمشي للحسين فاطمه تزور

صاحب الزمان ساعة الظهور...يقره مقتله يبجي للنحور

العمته زينب...قلبه ينحب

سّلبوها بيوم عاشر

ليلة القدر ما رأتها عين...مختفي القبر ما عرفنه وين

ندري فاطمه بمجلس الحسين...الهالسبب نجي نبجي مرتين

ضاع أثرها...و القبرها

تبقه مكسورة الخواطر