قلبي عابس فاطمه ايسمونه

فاطمه عين الضمير اتشوفها...ربنه سلم كون بين اجفوفها

قلبي من ينبض يقول احروفها...و بيها نبضات القلب مجنونه

كرار حسين

فاطمه سبحان من سواها...عالأرض مصحف شرف اوحاها

آيه آيه ابكل زمن أقراها...و عشقي محد ما عرف مضمونه

هيه كوثر حسرتي و آهاتي...إلها كل عمري المضه و الآتي

حقي أفخر فاطمه مولاتي...و اليموت ابحبها لتلومونه

يا رواية دمعتي و أحزاني...إنتي ديني و كعبتي و قرآني

آه يا كسر الضلع آذاني...و هالآذان الوادم ايسمعونه

تكتب أقلام الأرض و أهل السمه...و ما عرفنه أسرار فضه الخادمه

بأبي أنتِ و أمي فاطمه...سر إله و يصعب ايفهمونه

فاطمه يا حجة الله اعله الحجج...اليوم ثارج تندعي اقلوب و مهج

بفاطمه يا ربي عجّل بالفرج...شيعتج للمهدي ما ينسونه