ما أطخ راسي...لآخر أنفاسي
هذا صوت الرافضي
ما أطخ راسي و أعاند و الله حته ابذبحتي
من يحز السيف نحري اتقوم تضحك رقبتي
آني من عباس ماخذ مستحاي و غيرتي
تنزل السبعه اعله سبعه و عيب تنزل هامتي
ينبض إحساسي...لآخر أنفاسي
هذا صوت الرافضي
رافضي من السقيفه و الشكر لله ارفضت
ارفضت حكم الثلاثه بس ببو الحمله اقبلت
هذا قالع باب خيبر مثله عدكم ما شفت
آمنت بالله و رسوله و حيدر أول آمنت
دمي عباسي...لآخر أنفاسي
هذا صوت الرافضي
من رفع راية محمد يوم خيبر من حمل
ندري بالثاني و الأول واحد بواحد ختل
بينك و بيني مسافة و الفرق وادي و جبل
آنا أمي بت محمد و أمك الركبت جمل
آني ما ناسي...لآخر أنفاسي
هذا صوت الرافضي
آنا وياك من أسولف اصغي و اسمع ما يلي
أولاً تاريخي يشهد و الشرف بس الهلي
ثانياً آنا الكرامه و المراجل بس إلي
ثالثاً راسك أدوسه لو قلت رابع علي
هذا مقياسي...لآخر أنفاسي
هذا صوت الرافضي
انت من تالي اجيت و آنا راعي الأوله
انت تاريخك هزايم و آنا راعي المرجله
انت جبت الناصبيه اتريد توصل كربله
و الله ما توصلها و الله أقسم ابعقد الوله
ما يقل باسي...لآخر أنفاسي
هذا صوت الرافضي
كربله اشحدك تجيها ننتظر هاي ابشغف
و الله حته المات يفزع لو إبن ظاهر هتف
عدنه ذو الفقار لسه و هذا حيدر بالنجف
كربله هيه شرفنه و من يمس هذا الشرف
حيدري ساسي...لآخر أنفاسي
هذا صوت الرافضي
احنه من يحمه الوطيس انزود همه و نبتسم
يالله راوونه زلمكم و أدري ما عدكم زلم
اتعودت هاي الجدام اتدوس كل عالي خشم
و الله لو زينب نختنه ايفور دمنه و ننتقم
عالي نوماسي...لآخر أنفاسي
هذا صوت الرافضي
