من المهر طاح...تجوته ارماح

زينب اتصيح...يا حُسين

من سمع قام...بس السهام

جبرته ايطيح...يا حُسين

يزحف ازحوف...رايد ايشوف

وضع الخيام...يا حُسين

ايحرك الإيد...زينب اليريد

ترعه الأيتام...يا حُسين

اتوسد القاع...و ما كو فزّاع

بآخر أنفاس...يا حُسين

يطلب الماي...و الشمر جاي

يقطع الراس...يا حُسين

اتربع اعله صدره...نيته ينحره...يا حُسين

شيبته لزمها...فاطمه شتمها...يا حُسين

باثنعش طبره ولاه...قطع راسه من قفاه

من بعد ما سّلباه...بالحوافر رضرضاه

كسر الضلوع...صوته مسموع

آهُ ويلاه...يا حُسين

هذا قص إيد...الخاتمه ايريد

خنصره اوياه...يا حُسين

من تجي الخيل...الحافر ايشيل

وذر و اجروح...يا حُسين

صعبه لوصاف...عظمه ينشاف

صدره مفتوح...يا حُسين

جسمه عريان...ابدمه غرقان

راسه مرفوع...يا حُسين

قاطع الراس...عالنحر داس

قوة مقطوع...يا حُسين

جسمه من تقطع...عالثره توزع...يا حُسين

اهناك طاح اصبعه...الجبده يمه قطعه...يا حُسين

منظر الجثة فظيع...كل كتر منه قطيع

ما نميز من النجيع...دمه لو دم الرضيع