من طّول اصطباري...غابت شمس نهاري
أم الحسن نختني...ما أصعب اعتذاري
و المثلي يا غياره...ما وارد اعتذاره
بالدنيه ما كو غيري...يتسّمه حامي جاره
تنخاني أم أبوها...بوجودي هاجموها
منهو اليصدق حيدر...يوصل عدوه الداره
و الهادي برتحاله...وصّاني بالرساله
وصيته قيّدتني...ما جردت فقاري
كاس الصبر جرعته...لو بيدي ما شربته
من صاحت الوديعه...كسر الضلع سمعته
و الأمّنوا عقابي...وصلوني دفعوا بابي
و آنا الذي شافوني...باب الحصن قلعته
و القيدن ايديه...دين الله و الوصيه
يميني عاتبتني...و اتحسرت يساري
يا من ردت سؤالي...عن حالي و الجرالي
هالموقف الفجعني...ما خاطر اعله بالي
و اللي جرح شعوري...كلما جره بحضوري
و الشدة إمتحاني...وحي السمه بجالي
ليث الحرايب آني...ما خيّب النخاني
و البضعه حشّمتني...أدركها بإنتظاري
من شافوا الزجيه...بت سيد البريه
للمسجد اعتنتني...تنشد إجت عليه
هذا الذي يسبها...ذاك الذي ضربها
عيني انطفت تنادي...يا حامي الحميه
لا نشّفت دمعها...لا ضمّدت ضلعها
مهضومه ناشدتني...عن عزمي و إقتداري
من صاحت يراية بيتي...لو جّدمت بيتي
بالليل إخذني القبري...و بذمتك وصيتي
يا با الحسن و إسمعني...لو رايد اتشيعني
ما أقبل ايحضروني...من سببوا أذيتي
و بإيدي غسّلتها...متصوبه شفتها
هالحاله ألمتني...ما يكفي دمعي الجاري
شمعه و طفت عمرها...من جّهزت أمرها
من فصّلت جفنها...روحي اشكبر صبرها
حين اللي شّيعتها...ابجدم ايعثر خذتها
زهرت حياتي البضعه...بيدي احفرت قبرها
ما ينقطع نحيبه...اليحفر قبر حبيبه
مظلومه ودّعتني...ظلمه بعدها داري
زاد القلب نحيبه...بأصعب و أشد مصيبه
نادتني من قبرها...وشرادت النجيبه
يالغالي عود الدارك...ايتامي بإنتظارك
زينب يحيدر فزّت...قوم إدرك الغريبه
لو تدري بالعقيله...اش مرت عليها ليله
و اتنادي يالجبتني...يا خويه طفي ناري
