عليَّ امن الضلع أصعب حنيني
و أنا بإذني اسمعت صرخة جنيني
يبويه ابعصرة الباب...جنت كل همي الحجاب
و أنا بإذني اسمعت صرخة جنيني
يبويه ابقصتي امنين أبتدي لك
حرت يا عن يا ألم من أشتكيلك
حياتي ارتحلت بساعة رحيلك
وصيتك قيّدت همت خليك
قلت لو خيّم الليل أعتني لك
و أجيب المحسن و ضلعي و أجي لك
و أقابل قبرك ابنوحي و عويلي
و اشم اترابك ابحسرة دليلي
و أقلك أكلف اصواب...جنت كل همي الحجاب
و أنا بإذني اسمعت صرخة جنيني
يبويه و من قلت قربت منيتي
و أريد أصحابي خل تسمع وصيتي
أديت فاطمه البضعه أديتي
بجيت اعليك يا شمعة ثنيتي
بعد ما نرضه قالوا لو بجيتي
و بطراف المدينه اتحنه بيتي
سكنت ببيت الأجزان البنيته
عليك اشما دمع عندي بجيته
دمه من اعيوني سجّاب...جنت كل همي الحجاب
و أنا بإذني اسمعت صرخة جنيني
يالبطول الوكت تسأل عليه
تجيني الداري كل صبح و مسيه
تدق بابي و تبادر بالتحيه
تريد الأذن من حامي الحميه
قبل ما تدخل اتشوف الزجيه
يبويه ابغيبتك شفت الأذيه
إجاني اللقبوه ثاني صحابي
سطرني و انطبع جفه اعله بابي
أحس ابقلبي انصاب...جنت كل همي الحجاب
و أنا بإذني اسمعت صرخة جنيني
تمنيتك جنت من هاجموني
تشوف أهل الغدر لمن إجوني
معاملة الأسيرة ايعاملوني
أنا ابداري و قلت يستأذنوني
لجن بويه ابغضبهم فاجأنوني
ردت عنهم ألوذ و ما رعوني
حقود اليدفع الباب السترني
عله الحايط ابكل قوه عصرني
ردت معرفة الأسباب...جنت كل همي الحجاب
و أنا بإذني اسمعت صرخة جنيني
إذا تسأل عليه اشلونه حالي
إجه المحسن يخبرك بالجرالي
عقب عينك شفت سود الليالي
أقولن لو علي و سيفه انتخى لي
فلا واحد وصل داري و دنا لي
عله امصابي انكسر قلبه و بجالي
تجتّف حيدر ابحبل الوصيه
يقلي اعتابج اليصعب عليه
صحت لو طال العتاب...جنت كل همي الحجاب
و أنا بإذني اسمعت صرخة جنيني
يبويه و سلمت للباري أمري
عله المحسن أريده ايعّظم أجري
أضم الحسن و حسين اعله صدري
و أحس ابلوعتي و يلجمني كسري
أون ونت دفن و ادموعي تجري
علي ابكسر الضلع ما ردته يدري
و لا يوم البده اوياي ابقصوره
إذا شاف الضلع يجرح شعوره
طحت و اصوابي ما طاب...جنت كل همي الحجاب
و أنا بإذني اسمعت صرخة جنيني
علي ايقلي أرد أخبرج يالوديعه
و أخاف ابعينج اتضيق الوسيعه
خبر عن ذبحة حسين و رضيعه
و كفيل العيله و اجفوفه القطيعه
يرد محني الظهر من الشريعه
لجن رب العرش يخلق له شيعه
عله امصابه ينصبون العزيه
عله اخته الصابرة الراحت سبيه
تنادي ابفقد الأطياب...جنت كل همي الحجاب
و أنا بإذني اسمعت صرخة جنيني
