يـالـلي  تـعدّد بـاختصار افـعال امـيّه...أذكــر بـني الـعبّاس واحـكم بـالقضيّه

هــذي بـنو الـعبّاس جـانوا مـطمئنّين...كـلهم يـدٍ وحـده وذراري الحسن وحسين
ومـلكوا الامّـه واصـبحوا كـلهم فراعين...وحـطّوا  الـنّبال عْـلَى الـسّلاله الفاطميّه

لـو  ردت تـفهم ويـن باب الظّلم والجور...بـس عـقّب الـسفّاح و اتـمايز المنصور
شوف  اشْعمل بال الحسن وشْ هدم من دور..و  الـما هـدم مـن دورهـم ظـلّت خليّه

جـم  طـالبي لاقـى الـمنيّه فـي قـيوده...والـلي هْـدموا عـليه السّجن وهوَ بسجوده
و الـهام مـا هـو مـرتجي لـلبيت عوده...و يـخاف مـا يـنتسب لـلزّهرا الـزجيّه

و الـلـي ابْـفَـخ اتـعفّروا مـحّد دفـنهم...اسـأل يـخبرك واضـح الـتّاريخ عـنهم
خـلّـوا مـلايـكة الـسّما تـبجي لَـجلهم...ظـلّوا  ابْـغَبرا و روس فـوق الـسّمهريّه

و  جـم شـيّدوا بـالعاصمه بـغداد بـنيان...بـنيانها  اتـشيَّد عـلى هـامات و ابـدان
سـادات  كـلها شـيوخ وكـهولٍ وشـبّان...وشْـجَم  هـجوم اعْـلَى الـبيوت الفاطميّه

بـاب الـحوايج بـالسّجن يـسحب اقـياده...و  خـوف الـمنايا و الـسّجن فرّت اولاده
وبـالسّم جَـرَع مـثل الأبـو كاس الشّهاده...والـسّيف  والـسّم يـشتغل صـبح ومسيّه

وخـلّوا الـصّوايح والـنّياحه لـيل وانهار...وذيـج الـمنازل بـس حرم واطفال لزغار
بـالـبرّ هـاموا مـا بـقى بـالدّار ديّـار...مــا  جــرت هـذي بـلَفعال الامـويّه

لـكن  سـبي الـنسوة يسارى ابكل لَمصار...وذيـج  لَـطفال الـظّاميه لاجرى ولاصار
و خـيـام مـمليّه حـرم تـنضرم بـالنّار...والاصــل كـلّه مْـن الاسـباب الاولـيّه

فـعلة  بـني الـعبّاس مـا اكـثرها فجايع...أفـنوا  ذراري الـمصطفى والـعدد ضايع
وآل الـطّـليق افـعـالهم كـلـها شـنايع...سـبي الـنّسا و ذبـح لَـطفال ابـلا جنيّه

رض  لَـجساد عْـلَى الثّرى وتكسير لَسنان...و وقـفَة مـصونات الـرّساله بوسط ديوان
ويـزيد مـن سـكر الخمر والنّصر نشوان...هــذي ثـمرها شـجرة الـخبث الـرّديّه