شـتقول  يـا صـاحب الـفكره والـرّويه...فـعـلة بـني الـعبّاس أعـظم لـو أمـيّه

فـعلة بـني امـيّه ابـتداها يـوم صـفِّين...دارت رحـاها وطـحنَت اعـيان المسلمين
وطـلعت  خـوارج دين واغتالت ابوحسين...وظـل  ابـن ابـوسفيان يـلعب بـالرّعيّه

سـب و شـتم فـوق الـمنابر صـبَح سنّه...و كـل الـضّغاين و الـبلا اتـولّدت مـنّه
تـغزي سـمومه ولـلهضايم غـدت رنّـه...و  ارمــاح تـرفع روس تـتودّى هـديّه

و راحـوا عـداوه يـدفنون ارجـال حيّين...و  ذبـحوا و سـجنوا ويـن لمروّه نساوين
واطـفال  ذبـحوهم بـلا مـطلب ولا دين...بـالـيمَن  و الـنّسوه بـنظرهم خـارجيّه

وبـاعوا الـنّساء الـمسلمات ابوسط لَسواق...يـايوم  كـشف الـسّاق عند املاحظ السّاق
عــدّة مـذابح قـاست الـشّيعه بـلعراق...و زيـاد و ابـن ارطـاة مـا بـقّوا بـقيّه

وتـالي عـلى سـم الـحسن كـلها اتّعازه...و آل الـطّـليق اتـحزّبوا سـاعة جـهازه
ومـروان تـدري بْـجَم سهم صاب الجنازه...و  قـلبه ايـتلظّى امْـن لَـضغان الداخليّه

وكـل  الـرّزايا و الـمصايب يوم لطفوف...جـم  أرمـله ظـلّت سـترها راح لجفوف
وكل حادث اليجري بْدهرنا ايصير موصوف...و لا يـنوصف خـطبٍ جـرى بالغاضريّه

هـذا مـصاب حـسين لا تـطلب تفاصيل...مـا يـنوصف حـال الأسـارى والمجاتيل
لـو ضـجّة الأيـتام لـو نـوح الـمداليل...و اجـسـاد بـالرّمضا و روس ابْـسَمهريّه

واسـأل الـكعبه و الـمدينه بـالّذي جـان...مــن حـيّة الـرّقطا الـلعينه آل سـفيان
و  عـرّج عـلى كـهف المظالم آل مروان...تـلقى مـجازر كـل صـباح وكـل مسيّه

تـوصف اطـفال الـذبّحوها بـغير سـايه... تـذكـر حـراير بـاليسر ركـبت عـرايه
و  الـسّوط لـمتون الـحرم مـو لـلمطايه...ومـيـدان مـطروحه الـجثث لـلأعوجيّه

الـسجّاد جـم قـاسى ومـن بـعده سـليله...و  ابـن الـوزَغ يـشفي بـإهانتهم غـليله
و  دس الـهم اسـمومه و قضوا بالسّم غيله...وزيـد  وشـبل زيـد اشـعظمها من رزيّه

هـذي  إشـاره مـن فـضايع آل سـفيان...تـلـويح لـقرود الـمنابر نـسل مـروان
حـط  الـنّقاط عْـلَى الحروف اتزيد تبيان...اتـشوف الـمصايب جـايّه مـن قبل اميّه