أضف الموضوع
الشاعر السيد سعيد الصافي الرميثي - 01/12/2015م - 9:20 م | عدد القراء: 4363
لا تاخذ استخاره...عن واجب الزياره
عوف اليقلك مستحب...حُسين حُسين حُسيناه
فوق العرش اسمه انكتب...حُسين حُسين حُسيناه
بالأصول الخمسه موجودة الإمامه
و اليقلك مو فرض اترك كلامه
منهو أكبر من رسول الله بمقامه
لليزور حسين أخبرك باهتمامه
قال النبي اليزوره...جدامه يسعي نوره
سبط الرسول المنتجب...حُسين حُسين حُسيناه
فوق العرش اسمه انكتب...حُسين حُسين حُسيناه
حجة الهادي النبي تدري ابفضلها
لليزور حسين تسعين ابمثلها
هذي فرصه و لا تفوتك و استغلها
و التشك بزيارتك لا تصغي إلها
و الصادق بيقينه...يضمن سلامة دينه
للمعتقد أول سبب...حُسين حُسين حُسيناه
فوق العرش اسمه انكتب...حُسين حُسين حُسيناه
جم روايه اموثقه و مسند خبرها
عن علي و عن فاطمه ناخذ أمرها
بيها فضل ازيارة حسين و أجرها
منه نتبره الجحد بيها و نكرها
مثل الصلاة فرضها...ملعون اليعترضها
زواره و اعلينه وجب...حُسين حُسين حُسيناه
فوق العرش اسمه انكتب...حُسين حُسين حُسيناه
دعوة الصادق إذا انت اسمعتها
هالزياره ابيوم واحد ما عفتها
ربي ارحم هالوجوه اللي شفتها
ذبلت و شمس الظيره غيّرتها
أرفع إلك دعائي...يالرحمتك رجائي
ربي ارحم الصوته نذب...حُسين حُسين حُسيناه
فوق العرش اسمه انكتب...حُسين حُسين حُسيناه
و الرضه ايقول الذي ثابت يقينه
يقصد الجدي و يزوره بأربعينه
عالصراط انعبره و احسابه اعلينه
وجهه أبيض ياخذ اكتابه بيمينه
و اليقصد بقناعه...مضمونه له الشفاعه
عند الله ما يرجع طلب...حُسين حُسين حُسيناه
فوق العرش اسمه انكتب...حُسين حُسين حُسيناه
يالعقدت النيه و حسين اعتنيته
تدري كل خطوه بألف درب المشيته
عالوجن كل قطره من دمع البجيته
بيه عطش قلب الذبيح انت رويته
يالزاير و أريدك...طول الدرب نشيدك
يالحبك ايزيل التعب...حُسين حُسين حُسيناه
فوق العرش اسمه انكتب...حُسين حُسين حُسيناه
يالقضيتك أصبحت أشرف قضيه
جدد البيعه الشهيد الغاضريه
صيح أبد ما نركن الظلم آل أميه
لو ضحيه ابكربله تتبع ضحيه
ما يرتفع علمنه...لو ما نضحي دمنه
نال بجهاده أعله الرتب...حُسين حُسين حُسيناه
فوق العرش اسمه انكتب...حُسين حُسين حُسيناه
من أجلنه الضحه بعياله و رضيعه
انطه نحره و ثبّت أحكام الشريعه
نقسم بجرح الوصي و ضلع الوديعه
حبه أغله من الدماء و ما نبيعه
وينه اليداعي ابثاره...ذوله احنه بإنتظاره
ثار الإمام المرتقب...حُسين حُسين حُسيناه
فوق العرش اسمه انكتب...حُسين حُسين حُسيناه |
|
