هـيّجت  لـوعاتي  يَـبن  خـير  الـبريّه  ...  قـلّي  عـلى  مـن  آمـرت  تنصب  عزيّه يَـبني مـصايبنا عـظيمه اتشيّب الشّاب ... نـبجي على ضلعين مكسوره ورا الباب لـو  لـلجنين  الـلّي  تـعفّر  فوق  لعتاب  ... لـو قـود جـدنا الـلّي دهانا بكل  رزيّه لـو ضربة المحراب نبجي ياضيا العين ... لو لجل عمنا الحسن لو نبجي علىحسين لـو  لـلاجساد  اللّي  بقت  من غير تجفين ... لـو لـلحريم الـلّي تـسمّت  خـارجيّه نـنصب  الـماتم  مـا  تـقلّي  اليا فجيعه ... لـلّي انـذبح ظامي على صدره رضيعه لـو  لـلإمام  الـلّي  نـشر مذهب الشّيعه ... جـعفر مـن الـمنصور قاسى كل  بليّه مـا  تـنحصى  يـبني  مـصايبنا  ابتعداد  ...  الله يـما سـجون امـتلت شبّان واولاد بـالأمس  أخـيّي  ظل  رميّه  بجسر  بغداد  ... بـين الأعـادي اجـنازته ظـلّت رميّه لـو  نـبجي  يـبني  للّذي  ماتوا بلحْبوس ... مـاتوا ولا بين الملا الها امعيَّنه  ارموس يـانور  عـيني  لو  لفا  لك خبر من طوس ... لـيْكون ابـوك انـصاب بـانياب  المنيّه حـنّ  وجـذب حسره وزفر زفره شديده ... و قـلّه يـعمّي حـلّت مـصيبه  جـديده ويّـا  الـرّضا  الـمأمون  سـواها  مكيده  ...  قـطّع  مـهجته و زلـزل الـسّبع  العليّه مـسموم  مـات  ابـدار  غربه  ماحضرتوه  ... يـا لـيتكم يَـولاد ابـو طالب  نظرتوه ويـاليت شـلتوا جـنازته وقبره حفرتوه ... مَـحْلى الأهـل حول النّعش تمشي  سويّه قـلّه  الـعمر  كـلما امتد كثرت اجراحي ... و الـدّهر فـرّق عـزوتي بكل  النّواحي و  ظـلّيت  مـثل  الـطّير  متكسّر  جناحي ... شـلّي بـحياتي ضـاقت الـدّنيا عـليّه