خـان   الـعهود   وداسـها  نـسل  الخيانه  ...  مـأمـون  قـالوا  لـكن  مـزيّف   امـانه غـدر  وسـياسه  يـدّعي  مـذهب  الشّيعه  ... ولّـى الـرّضا عـهده و لـكنها  خديعه دس  لـه  سمومه  و  زلزل اركان الشّريعه ... لـجل الـرّياسه اتـزندق و داس  الدّيانه أوّل  ابـعنقود  الـعنب  قـطعهن  امـعاه  ...  قـدّمه  ابـبّيته  وبـالخديعه  يـاكل   ويـاه وَسْفَه  وعلى  فراش  المرض منهوك خلاّه ... جـرعه سـمومه وخـان بعهوده وأمانه و تـالي الرّجس عجّل عليه ابماي رمّان ... جـبده مـردها وقذفها ومنّه الاجل حان نـازح  غريب  الدّار  لا  عزوه  ولا اخوان ... بـديار غـربه يـموت نائي عن  اوطانه ويـوم  الـدنت  مـنّه  المنيّه  وحان  حينه  ... أشّـر لَـبو الـهادي و جاه امْن  المدينه وقّـف  عـلى  راسـه  يـهل  دموع  عينه  ...  وعـاين  ابـوه ايـعالج و هاجت احزانه ضـمّه  الـصدره  اُو  ونّته  صارت  خفيّه ... و انـمزجت ادمـوع الـولد بدموع  ابيّه يـقلّه  يَـبويه  الـكون  مـستوحش  عليّه  ...  مـن  فـرقتك و الـدّهر بـفراقك  دهانا صـد  الـعزيزه  ومـن  زفيره  نشف دمعه ... واحـنى يشمّه وانحنى من الوجد  ضلعه يـودّع  يَـويلي  مـهجته  و  ابـنه  يودعه  ...  وغـمّض  عـيونه والولد زادت  اشجانه غـمّض  عيونه  ابن  الطّهر  واسبل  ايدينه  ... تْـهَلْهَل جـبينه و انـقطع تـالي  ونينه حـن  الـجواد  و  صب عليه ادموع عينه ... فـارقت روحـه والعرش ماجت  اركانه