أضف الموضوع
الشاعر مهدي بارون - 26/10/2015م - 10:29 م | عدد القراء: 2073
صار انتمائي...إلها و رجائي
يوصل دعائي...باب السمه
عله الأزمان...صفت عنوان...إلك برهان...اعله سيرتها
اسمها داء...عله العلياء...إذا الزهراء...سميتها
أم البنين الأربعه...امن الباري سرها
حته السماء السابعه...تعرف قدرها
جفني يهل ابمدمعه...لو مر ذكرها
و اليعتنيها...بالمعرفه
ما يلقه بيها...غير الوفه
بيها اكتفائي...نور بسمائي
يوصل دعائي...باب السمه
ابدمع العيون...حزين اتكون...تريد اتهون...اتجه الها
الألم هيهات...يظل و يبات...عله الحاجات...توسلها
روحك إذا متجرحه...ابدنيه المصايب
إهديها بس الفاتحه...و شوف العجايب
و اليعتنيها ابنايحه...مترده خايب
من البدايه اتقلك نعم...صارت نهايه المعنه الألم
بيها ابتدائي...و بيها انتهائي
يوصل دعائي...باب السمه
تعال اوياي...أقلك راي...السبب من هاي...كرامتها
صفه ابكل حين...نذر بالعين...البجي اعله حسين...سجيتها
لو هالوضع تتأمله...تعرف وضعها
عيشتها صارت كربله...و الهم طبعها
ما وصلت الهالمنزله...الا ابدمعها
الكل عله وصفه...ينطي الشرع
لازم نعرفه...سر الدمع
و آنه ببكائي...أعلن وفائي
يوصل دعائي...باب السمه
اعله همها اتدوس...تفّدي انفوس...عظيمه ادروس...تقدمها
الأهل تنراد...لجن اولاد...لبو السجاد...رخص دمها
و اللي سألها عن تعب...سهر الليالي
لا ما يهم صوت العتب...لو يبقه عالي
و الغالي لو منك طلب...ترخص له غالي
تبقه اعله ونها...تهوى الجرح
و حسين ابنها...لا ينذبح
لو صح فدائي...أرفع ندائي
يوصل دعائي...باب السمه
تمر أيام...مرور اسهام...و تجي الآلام...تظن تحلم
الأمل تابوت...نواعي الموت...تجيها ابصوت...ابن حذلم
قال الها ظل اعله الثره...نسل الإمامه
قال الها قطعوا منحره...حرقوا خيامه
قال الها زينب حايره...بين اليتامه
عالغاضريه...تبجي العمر
و النه القضيه...صارت ذخر
غاية عزائي...و شعري و رثائي
يوصل دعائي...باب السمه |
|
