ودعوني     و     روحي     قطرة    ماي    بتراب     الصحاري ضيعوني     اشحصل     الملهوف     من     طيف      الظهاري بالله           ليش          السافروا          محد           يردهم بالله        ليش        اعله        النهر       ميت        وردهم ضيعوني   ضيعوني انتو   وين   استفردت   بيه  المصايب  و  آني  ما  عندي   قلب انتو   وين   نائحة   صحراء   روحي   و   رمشة  اعيوني   غرب ما اجيتو اجروحي خضره و يبست الدمعه اعله جفني و ما اجيتو لو      حلت      بعيونكم      دار     التباعد     لو      نسيتو الخاطر    الله    ما    سمعتوا    اجروحي   من   صاحت    تعالوا حته    طير    الموت    اجاني    من    صحت    يهلي     تعالوا راح    أموت    و    بيه    بس    جلمة    تعالوا    ما     اجيتو ما     اجيتو     و    العمر    شمعه    و    طّفيته    ليله     ليله ما     اجيتو     هالله     هالله     يا    هلي    عندكم     عليله بالله       ليش       اشفافي       ما       ضاقت        شهدهم بالله        ليش        اعله        النهر       ميت        وردهم ضيعوني   ضيعوني انتظر    يبست    اجدامي    ابوقفتي    و   البرد   صاير    لهب انتظر    خضّرت    بين    الأصابع    ورده   من   لون    العتب من     مشيتو     اختلف    حته    الهوه    و    يخنق     نسيمه من   مشيتو   ينمسح  كل  الكتبته  و  تبقه  بس  كلمة   يتيمه أشعر     الظلمه     بجت     لي    وما    بجيتو    من     مشيتو بالله     عوف     اليمكن     و    قلي    نسوني    ها     يقلبي ها   يقلبي   آنا   بس  موتي  ذكرني  من  صحت  أهلي   نسوني مو        شفت        نجم       الظهاري       ما        شفتكم ما    شفتكم    يحجي    بشفافي    السكوت    و   بيه   جلمه ما    شفتكم    و    انتحر   نمرود   حزني   و   صبري    جلمه بالله           ليش           أنحرم           من           الأودهم بالله        ليش        اعله        النهر       ميت        وردهم ضيعوني   ضيعوني غايبين    غيبة    الماي    السريعة    و    الأخذ   روحي    النهر غايبين   غيبة   الشجره   الجبيره   و   قعدت   افياي   و    سمر جذب    اعليه    الهوه    و    دق    مره    بابي   و    عاتبتكم و  اركضت  ركضت  حمامه  الخافت  اتوقعها  مطره  و  عاتبتكم قلبي     ضامي     و     بين     شباج    السراب     اتصورتكم كلشي     ميت     و     آنا    كلما    أموت    ما     أحبكم ما    طفه    جانون    حزني    و    آنه    أتحمس   و    أحبكم و       الله       كلما       أنجرح      اوقع      و       أحبكم ها     يبويه     قلبي     يلجمني     و    أظن    هالغيبه    غيبه ها       يبويه       يالجنت       دومك       تناديني       الحبيبه بالله        ليش        اللي        نسوا       يلسع        بردهم بالله        ليش        اعله        النهر       ميت        وردهم ضيعوني   ضيعوني ذكريات   اتزاحمن   بأطراف   عيني   و   لو  بجيت  أبجي   صور ذكريات     ينفطر     قلب    السفينه    الما    يعانقها     البحر يا    صبركم    لا    رساله    و    لا    هوه   اليحمل    خبركم يا   صبركم   انتو  غيمه  و  آني  رملة  صيف  و  أتنطر   خبركم خويه    وين   اهنا   يالأكبر   مر   و   لو   مره   اعله   اختك خويه    وين    اشقال    قلبك    يالنمت   و   مسهر    اختك راح      أسولفلك      سوالف     من     تجيني     ما      تجيني لو     نشف     ريح     الورد    ينشف    حنيني    ما     تجيني ما      تجيني      و      اليعوفونه     هله     ايموت      ابحسرته ما    تجيني    يا    علي    و    موت    اليتيمه   ايصير   سكته بالله        ليش        الكمره       ما       تضوي        بعدهم بالله        ليش        اعله        النهر       ميت        وردهم ضيعوني    ضيعوني يا    عليل    الينترك    بالدار   وحده   يلجم   اجروحه    النده يا    عليل   يسمع   الحيطان   تبجي   و   يخترع   من    الصده اهنا       يناعي       صوتك       المجروح      يعثر       بالعباره اهنا   يناعي  لو  هلي  ميتين  اسكت  و  اكتفي  بس  بالإشاره فزت       الحيطان      بصوات      النواعي      ها       يناعي كلها   موته   و   راس   ابوج   اعله   الرمح   و   اخته    سبيه يمكن      ابهاي      المصيبه      ما      تظل     عدله      رقيه احجي    قول    و   لا   يهمك   خاطري   و   رجفت   ايديه احجي   قول   من   رفس   صدر   الحبيب   و   قص    وريده احجي    قول    قلها    يم    شاطي    النهر   ذبحوا    عضيده بالله        ليش        أحبابي        ما       حفروا        لحدهم بالله        ليش        اعله        النهر       ميت        وردهم ضيعوني   ضيعوني