الـحـسين فــي وجــدان الـشيعة

وحـق  راسك  المقطوع  ياشمس  المضيّه  ... لـلحشر مـاننسى مـصابك و  الـرزيّه نـنسى  و  سـهم  الـصاب  قـلبك ياذرانه ... ذلـنا و فـت اقـلوبنا و نـكّس  لـوانه وتـقطيع  جـسمك بـالثّرى قطَّع أمعانه ... وخـيلٍ وطت صدرك على حر  الوطيّه داسـت  يَبن  حيدر على اصدور لمحبّين ... و بـقلوبنا اتـخلّيك عاري ابغير  تجفين و ذبـح الطّفل ننساه هذا امحال يحسين ... ولا يـنّسى اركـوب الوديعه عْلى  مطيّه يـحسين  كـلنا  نـعتني  لك كربلا انزور ... بـس مـا نـوصّلكم و ننظر ذيج  لقبور نـدخل  الـحاير  بالحنين  و لطم لصدور ... و انـحوم مـثل الـجلَب لوفارق  حميّه ونـشوف عد رجلك علي يحسين مدفون ... و اتـهيج زفـرتنا و يـقرّح ماي لعيون و نـتذكّر اوقـوفك عليه ابقلب محزون ... مـحني الظّهر و اتصيح يَبني قطعت بيّه و  ابـكل فـريضة اتروح للحاير الشّيعه ... و مـن مـشهدك تطلع وتقصد  للشّريعه اتـزور  لـقمر  لَزهر  أبو  جفوف  القطيعه  ...  شـيّـال  رايـتـكم و سـور  الـهاشميّه و  بـعد  الـزّيارة  لـلمخيّم بـالبجا انعود ... بـس مـا نـطبها اتسيل دمعتنا  بلخدود نـذكر  امـنادى  بـن  سعد  ياقوم فرهود ... حـرقوا الـخيم سلبوا الحريم  الخارجيّه نـذكر  اوقـوف  مـخدّرتكم  شابحه العين ... لـلمعركه والـخيل حـاطت بالصّواوين اتـنادي   يـعدوان  الله  الله  ابـهالنّساوين  ...  لا  تـروّعـوها  راقـبـوا  رب   الـبريّه