إشتاقيت إلج يا كربله...إشتاقيت لتراب حسين و حنيت إلك يا با الفضل...عباس يا نور  العين أشتاق  إلج  صبح  و  مسه  و الشوفتج أتحسر و  اجمعها  حنينج  بالقلب هم يرجع و  يتطشر و   الله   لو   قلبي   صبر  روحي  فلا   تتصبر كلما   يمر   إسمج  عليّ  روجت  حناني   تكبر من   أذكرج   يا   كربله  عيني  تهل   عالخدين إشتاقيت إلج يا كربله...إشتاقيت لتراب حسين دمعي  يهل  سيل  و  جفن  عيني  يحير  ابجمعه و  كل  قطره من هلت إسم كربله بيها  اموقعه يا  ساس  كل  آه بقلب و أسستي حته  الدمعه حب  ووفه  طيب  و كرم يا محله كل  هالجَمعه لمتنه   تحله   ابتربتج   يا   أرض   كل   الطيبين إشتاقيت إلج يا كربله...إشتاقيت لتراب حسين يحسين   صرت   انت  فقط  قادر  على   لمتنه من  سال  دمك  عالأرض  بيه  إرتوت   طينتنه طق    الهرش   من   تربتك   أثمر   زرع    همتنه صرنه  نطوف  ابكل وكت كعبة عشق  حضرتنه قدسيه  صارت  تربتك  قبله  و  منار   الدارين إشتاقيت إلج يا كربله...إشتاقيت لتراب حسين من  أنوي أوصف لهفتي و أجمع أفكاري  براسي أتعده  مرحلة  الوصف  يخرس إلسان  إحساسي لو   ما   محبتك  بالقلب  تتناقل  اويه   أنفاسي جا  متت  لحظة  مولدي  و  بالمهد نثروا  ياسي يحسين  شوصف  لهفتي يندب دليلي ابكل  حين إشتاقيت إلج يا كربله...إشتاقيت لتراب حسين