تجري   المدامع   والحزن   أشعل   قلبها   بجمرة وبكل   أساها   أقبلت   تمشي   بألم    منكسرة والدنيا  تسأل  يا  زمن  ،  من  هالثكولة   الحرة قال  الزمن  آه  يا  قلب ، يا دنيا هاذي  الزهره ناداها  من  وسط  القبر  جرح  الإمام  المسموم وبأرض  البقيع  تناثرت  مهجتها  مثل   المشموم وفوق  القبر  ظلت  تهل  مدمعها ونازف  الدموم تبجي  وتنادي  يا  خلق  جعفر الصادق  مظلوم تحجي  ويا قبره ، يا بعد ضلعي وعذاب المسمار يالصادق اقعد أحجي لك عن يومي ويوم الكرار من   سقطوني   والهضم   ما  ينخمد  ليل   نهار وأدري  بمصابك منكتب يا وليدي من يوم  الدار جنهم  يقولون  الصبر  ، مو بس المحسن  مذبوح انتظري  وشوفي  جم  ولد  يتلوى  وقلبه  مجروح مدري   شجنيت  بدنيتي  محنة  بعد  محنة   تلوح جم  مرة  رايدني  الأجل وجم مرة تفارقني الروح آني  الصبورة  بكل جرح وأهمي الصبر  عالخدين لكن  أعوفك  يا صبر من أذكر شصاب  حسين ما  أنسى بدلاله السهم ، لو أنسى الحمرة بالعين ما أنسى نحره المنقطع ، لو أنسى كسر  الضلعين كل  المصايب  بالقلب وكلكم وسط عيني  بدور بس  أعظم  عليّا  وأشد هاللي جرى في  عاشور يالصادق  زينب  عمتك ، شافت أخوها  معفور ومن قبل أخوها شاهدت ، عبدالله طفله  منحور