عيني...معذوره   لو  سالت   دمه...عيني تبجي     و     تواسي      فاطمه...عيني بيها       لغز       ما       نفهمه...عيني هذا   سر   اللي   حملته   ابزغري   وياي صار  بأنفاسي  و عروقي نبضي و  ادماي بس  أقول  اسم  الحسين  اتفيض   عيناي شنهو   تفسير   اللغز   ما   أعلم   ابهاي حاير...اشما  أذكر  حسين  أنفجع...حاير ما     أعرف     أسباب     الدمع...حاير بالحيره          بس          العالمه...عيني تالي      بيّن      سر     المحير     الملايين ليش    لمن    أذكر   اسمه   تهمل    العين الله   يوم   اللي  خلقتني  ابفاضل   الطين خلط   ويه  اتراب  جسمي  تربة   حسين سري...من   عالم   الذر   منشأه...سري و      بتربة      الطف      مبدأه...سري صب      الدمع     ما     تكتمه...عيني من  كبرت  أكثر  فهمت  الجان   مستور عن   مصاب   الغاضريه  و  يوم   عاشور بس  سمعت حسين مات و ضلعه مكسور صرت  أون  غصبن  عليه  و  أبجي  مجبور حزني...صاير  عليّ واجب  فرض...حزني ما     تحمله     إجبال     الأرض...حزني لوحة      جروح      و      ترسمه...عيني قالوا   أمه   الزهره   تنحب   كل   مسيه حته     هيه     بالقبر     نصبت     عزيه اتنادي   كلمن  يبجي  و  ادموعه   جريه باجر     ابيوم     الحشر    أجره     عليه احسيني...وينه  اليواسيني  عله...احسيني مرمي       صريع       ابكربله...احسيني لمصابه         تبقه          ساجمه...عيني اشما   يجي   ببالي   و  إذا  فكري   توهم ايظل  ثواب  الدمعه  من  هالفكره  أعظم دمعتي   التجري   المصابه   بيها    طلسم قطره   من   هذا   الدمع   يطفي   جهنم دمعي...سر أعظم و ما ينكشف...دمعي عن         المدامع         يختلف...دمعي يحجي     و     كلامه      اترجمه...عيني عالبجي   لو  ردت  أرفض  ماني   مأجور بمنطلق   إنساني   أبجي   و  دمعي   منثور اشلون  ضامي  ايموت  إبن  الستة  اشهور رفرف   ابين   ايد  أبوه  و  مات  منحور أبجي...من    منطلق    إني   بشر...أبجي حتى      إذا      قلبي       حجر...أبجي خل    تطفه   و   يصيب    العمه...عيني آنا    حين   اخترت   هالدمعه    شعاري البعض      أشكل     عليه      بإختياري ايقول   هذا   النوح  مو  منظر   حضاري يجهل    إني    بهالعزه    دوم     افتخاري نوحي...أنسي و نديمي و  سلوتي...نوحي من     يعله     يعكس      قوتي...نوحي أرض     المواجع     و      السمه...عيني