شفت   الفصول   الأربعه...يتجمعن   بجسمك  سوه نار  و  مُطر ماي و ضمه...و بشفايفك صفنت  هوه فصل   الخريف  السّلبك  عاري  و  خصومك   ناقمه فصل     الربيع    بمنحرك    ينزف    ينابيع     الدمه لكن   شتاك   ابلا   برد   ينزل   دماك   امن  السمه صيفك  تميّز  بس  لهب  و  اشفافك  الذبلت   ضمه بعيونك انشاف العطش...جسمك عله الرمضه  انفرش ليش  انت  ما شالك نعش...و اتطشرت مثل  الضوه ذابل    مثل    غصن   الورد   للغيمه   شابح   ناظره راسك   يحوم  اعله  الجسد  و  الجف  يدور   خنصره ليلك   و   لا   شاف   النده   نار   النهار    اموجره من   يمتلي   جرحك  رمل  تنزل  سمه  و  تصعد   ثره جم   فارس  ابجسمك  عثر...كل  حافر  ايخلي   أثر نايم   لجن  شفتك  سهر...وي  زينب  اتساهر   سوه المثلك  بصدره  ذهب  و  انت اعله صدرك دم  طفل بيك   السيوف  اتزاحمت  و  امزاحم  اسهام  و   نبل و  اجروحك  الما  تنحسب  واحد  عله  واحد  عدل و  اتلاقن  و  نزفن  سوه بس كل جرح ينزف  شكل وجهك مثل شمس ابرمح ...من كل جهه يشرق صبح يحسين   أشوفنك   جرح...بس   دمعة  الحبك   دوه يالذابح  الماي  ابعطش  كل  شي  يروح  و  ما رحت من  صابك  امثلث  سهم صاح السهم يا الما  صحت كل   السمه   وشما   حوت  يتمنه  يوقع  من  طحت ياللي  نمت  بس  ابجسد  حاكم  عله الناس  أصبحت يا  مصحف  الحب  بسملك...بالطف حبيبك  أنزلك وحي   المصايب   رتلّك...موتك   حياة   القل   هوه أربع   فصول   ابكل   سنه  و  بساعه  بيك   اتجمعن يالمنذبح   كعبه   أصبحت   و  بجمرة  العاشر   سعن يالراشف   ارياقك   نبي   وشكم   نبي   بيك  انطعن و    اعيونك   الما   غمضن   ويه   الجسم    يتوادعن دمك   مثل   سيل   انحدر...يطفح   نهر  ينسد   نهر و   بصدرك   اتبين  حُفر...تروي  و  لا  قلبك   روه ندري   السجود   اعله   الترب   طف  اترابه   اشتهد اتوضه   من   دم   منحرك   ثم  على  صدرك  سجد تسبيحة   الزهره   اشكثر  ميه  و  فرد  ندري   العدد ألف   و   سبعمية   جرح   تسبيحة   اتراب   الجسد نحرك  و  لا  صله  قضه...صمتك  خطاب   المرتضه مو   شك   يغازلها   اللظه...بس   اللظه  بيها   انجوه جنح   الهوه   يمك   صفن  ما  حرك  أوراق   الشجر وجه  السمه  ووجه  الأرض  اتلاقن  و  جسمك  ثغر نومك   مثل   نوم   الجبل   يغفه  و  يفز  امن   المطر إبن  الخنه ابصدرك رفس و انت ارفست صدر  الدهر حقها   البشر   لو  عشقتك...و  اتسودنت   بمحبتك يالغالي   حته   بنومتك...جن   فارس  و  شايل   لوه