أضف الموضوع
الشاعر حسين العامري - 10/04/2015م - 11:33 ص | عدد القراء: 2966
ودّيني ودّيني... يم أحبابي يا عين
دّليني دّليني ...عنوان الفرح وين
للزهره و نبينه ...مري اعله المدينه
دليني دليني... عنوان الفرح وين
راح أترك عذابي و أرحل اردود بجناح الأماني
و راح أنسه السوالف ويه الغروب و أتحول تهاني
راح أمسح صور طابعهن اهنا ويه ميل الثواني
يمكن راح أسافر بس يجي الليل لا يمكن إجاني
من عيني من عيني... سافر جرحي و الآه
لحبابي لحبابي ...صاحت فرحتي الله
يا عيني الحزينه ...مري اعله المدينه
دليني دليني... عنوان الفرح وين
سافرت اعله متن الغيمه و الريح ماخذني بيمينه
و أقل العين مريني اعله الأحباب مري اعله المدينه
من أوصل أصبري و ابقي وياي خل نقصد نبينه
و انعيد ابقبره و يكمل العيد نرجع يم ولينه
بجناحي بجناحي... أنزل رايد هناك
بفراحي بفراحي... يكمل عيدي وياك
يا آية حجينه ...مري اعله المدينه
دليني دليني... عنوان الفرح وين
صوت ايصيح اصعدوا روحوا لهناك بالفرحه انشرحنه
يم حيدر افرحوا و صيحوا فذ صوت جبنالك فرحنه
ما طول عليكم هذا جبناه فاطم مقترحنه
نبنيها نبنيها ...حضرة فاطمه اليوم
نضويها نضويها ...مو بالشمعه بنجوم
حاجه القلب عينه ...مري اعله المدينه
دليني دليني... عنوان الفرح وين
نمشي و بالنجف خطوات الأميال يتراجع عمرها
ما يمشي الوكت هالقد فرح جاي و اعيوني ابنظرها
و نظرات الفرج و اعيون الأيتام يتبادل سهرها
و اسنين الأيام اختلفت اهواي وقفت يم شهرها
و ادموعي و ادموعي... مطرن للفرح ماي
و اجفوني و اجفوني... فرحن كلش اهواي
قالن للسفينه ...مري اعله المدينه
دليني دليني... عنوان الفرح وين |
|
