أضف الموضوع
الشاعر ناظم الحاشي - 05/03/2015م - 10:39 م | عدد القراء: 1615
ناس للغايات جان إسلامها ...و صوبت ضد البتول إسهامها
غايات ضد فاطمه ...ثارات ضد فاطمه
علم كامل عدهم و عدهم يقين ...غضب فاطم غضب رب العالمين
و ندري كسر الضلع و أحقاد اللعين ...ضد علي الكسّر غرور أصنامها
للسقيفه أحقاد شاهدها الزمان ...ضد محمد صدرت أول بيان
لو ردت توقيع واضح للعيان ...نار حرق الباب جان إبهامها
ناس ثارت ضد علي و ضد الرسول ...و هذا شاهدهم كسر ضلع البتول
حقد بقلوب النواصب ما يزول ...ضدها جان و هسه ضد خدامها
نفس ذاك الصار لتصدق يصير ...ما نوالي الباعنه و خان الضمير
و السقيفه السوت الخادم أمير ...ما ترد و الله و تعود أيامها
نقسم بدم الرفض بيعة يزيد ...حارب اسيوف البغي ابدم الوريد
ما تصير أسياد عالشيعه العبيد ...و ترفض الذله الرفضها إمامها
إي و حق من صار للعالم شفيع ...قسم نقسم يا علي ابدم الرضيع
ما نخلي أسوار ظالم بالبقيع ...و النواصب ما تظل حكامها
من فتاوه أحقادهم يم الحسن ...ناس قام اتموت ما تلبس جفن
ضاع دم إرقابها ابسيف الفتن ...تنظر الغايب يطيب آلامها |
|
