الرخصّك   مولاي   لا   تعتب  عليه  ...الما  يميز  الزين  لا  تنطيه  ذهب اشكثر   بالدنيه  تسمه  رجال  ...و  هوه  ما  يسوه  كلام  و  لا   عتب الماي  يم  الشاطي  ما  نقرب  عليه  ...نقصد  القلب  النهر صافي  انشرب و  انت  تقره  اقلوبهم  تعرفها  زين  ...و  ميّزت  راس  الجهاله امن  الذنب ما  دروا  جان  الوحي  جان  ينزل عليك ...ينتظر عالباب معروف السبب علي   يم  الباب  واقف  لا  مُحال  ...تتعب  امتون  الجبل  بس  ما   تعب اليريد   ايطب  على  شخص  الرسول  ...حيدره  لازم  يوقع  له   الطلب يسلم اعليه الوحي و يدخل عليك ...و حيدر يشوف التشوفه امن العجب ابتديت   الدعوه   و   الحق  المبين  ...و  الجبين  الطاهر  احجار  انضرب ابمكه  تنثر  من  جنت  تمشي الورود ...و همه سدوا دربك ابنار و  صخب بابتسامه   وجهك   اتنفس   صباح   ...بسمتك   بوجوهم  زرعة   غضب أبو  ضدك  للجهل  يجسر  عليك  ...و  حيدره  اليحميك  من تمطر  لهب نفسه  ذاك  الكافلك  و  انت  يتيم  ...أبو  طالب  و  الإسم عز  الطلب أبو  طالب  عاف  لك  حيدر  وزير  ...جان وي روحك أخو قبل  النسب بالنسب  مرات  نلقه  اللي  يخون  ...و  الخطر  موصوف  من  اللي  قرب اشلقبت  سلمان و هوه اشقد بعيد ...و عمك أكثر واحد اليجمع  حطب الإجه   بالخير   لاقيته   ابسلام  ...و  اليعاند  يم  علي  احساب   الرقب قائمة   كفارهم   تنزف  سواد  ...و  انت  بأبيض  قلبك  الليل   انشطب حاربوك  و  زرعوا  ابدربك  عذاب ...و حاولوا كل خطوه يهدونك  مطّب انت  جيت  ابوقت  جان  الحق  غريب ...ابوقت بيه النور عالدنيه انحجب الريح  طاعت  أمرك و صارت سرور ...مهره تحت أجدامك و مجدك  رُكب شمس  جيت  ابيمنتك  تضحك  سلام ...و من هذاك اليوم نورك ما  غرب