أضف الموضوع
الشاعر واثق العيساوي - 18/12/2014م - 10:46 م | عدد القراء: 17927
راح الولد راح... يرمله ما يرد جاسم... راح الولد راح
غاب بدر السعد...راح ما رد بعد
ضاعت اسنينه...ها يرمله اشترتجين
ضاعت اسنينه ... بعد ما اترده السنين
ضاعت اسنينه ...الله بالفرقه المعين
ضاعت اسنينه ...زفته ادموع وونين
ضاع التعب ضاع يرمله... ضاعت اسنينه... ضاع التعب ضاع
ذاب شمعه و خمد...راح ما رد بعد
يمه ذكريني ... صوته يشكي لج عذاب
يمه ذكريني ... من تمر زفة شباب
يمه ذكريني ...راح أودعج للمصاب
يمه ذكريني ...و الجفن داري التراب
صاح إبدمع صاح ييمه... دوم إذكريني ...صاح ابدمع صاح
ليش إبني إنفقد ...راح ما رد بعد
من تودعينه ...جسمه زفيه بالدموع
من تودعينه ...حنه خلي اويه الشموع
من تودعينه ... لا تسمعينه يلوع
من تودعينه ... إحني يم جسمه الضلوع
نام الولد نام يرمله... غمضت عينه ...نام الولد نام
نام يُمه الولد...راح ما رد بعد
غّربت روحه ...عمره بُعداه المغيب
غّربت روحه ... ويلي بوداع الحبيب
غّربت روحه ...عمر المفارق نحيب
غّربت روحه ...يا جرح بعده اليطيب
مال الوكت مال يرمله... و إنعكس بينه ...مال الوكت مال
نوح بيه إنوجد...راح ما رد بعد
الولد غالي ... أمه ما تصبر عليه
الولد غالي ...ظل فرحها بين ايديه
الولد غالي ... بالقبر لمن تجيه
الولد غالي ... إبدم دمعها تعتنيه
شاب و فقدناه يرمله ...و الولد غالي... شاب و فقدناه
بيت ما بيه أحد...راح ما رد بعد
لو تشوفينه ...عالترب يا رمله طاح
لو تشوفينه ... وردة ذبلت بالجراح
لو تشوفينه ... زفته اسيوف و رماح
لو تشوفينه ... صاح ها يا عمي صاح
فوق الترب طاح يرمله... لو تشوفينه... فوق الترب طاح
صار موته الوعد...راح ما رد بعد |
|
