أضف الموضوع
الشاعر السيد موفق الموسوي - 18/12/2014م - 12:08 ص | عدد القراء: 2091
تعله صرخات الضماير ...الضماير
احنه أسسنه الشعائر ...الشعائر
نفخر أنصار الحسين أهل الحميه
احنه أسسنه اللطم بالغاضريه
يوم دقينه الصدر لبن الزجيه
صحنه أنصارك نظل حته المنيه
حقنه نتباهه و نفاخر... نفاخر
احنه أسسنه الشعائر ...الشعائر
ركضت اطويريج بيها احنه ابتدينه
من سمعنه بزينب اتناشد علينه
من خيمنه الخيمة الحره اعتنينه
واحسيناً نهتف و مرفوعه ايدينه
صرخة عشقتها الضماير...الضماير
احنه أسسنه الشعائر ...الشعائر
بباب خيمة زينب و أسسنه مأتم
و عالمآتم كل بشر منه تعلم
من قسمنه بأمها و الضلع التهشم
هيه فرحانه ابعزمنه و الدمع دم
يمها بدموع النواظر...النواظر
احنه أسسنه الشعائر ...الشعائر
احنه للتطبير خلدنه علامه
يا بشر لجله قبلنه إنطبر هامه
طبرة العاشق عله المنحر وسامه
بيها يبقه يفتحر حد القيامه
يبقه صوتي اعله المنابر...المنابر
احنه أسسنه الشعائر ...الشعائر
امن الحزن لحسين أسسنه المجالس
صرنه لأهل التضحيه و الحب مدارس
و عله تعليم اللطم خصصنه فارس
ابجفه أول من لطم بالحومه عابس |
|
