أضف الموضوع
الشاعر واثق العيساوي - 18/12/2014م - 12:01 ص | عدد القراء: 2210
ناداك دم المنحر...أنصار يا بو الأكبر
سيفي بيمناك ...للموت اوياك
ثوره و كل صدر بيه نار تلقيها
أنصارك غيوره و تعرف البيها
شجعان التجي باجر نبّجيها
و من وجه الأرض و الله نفنيها
و الله من نلقاهم ...فرسان بجّيناهم
و إتقر عيناك...للموت اوياك
نركع بالصلاه للذلة ما نركع
نصرخ يا حسين و جيشهم يسمع
باجر يا شمس باجر لمن تطلع
بسيوف الغياره انحور تتقطع
يحسين و شوف الرايه ...متطيح و هاي احجايه
شيطيحه الواك...للموت اوياك
يا زينب عهد يا بت علي الكرار
نخلي الدنيه كلها اتسولف اعله الصار
بت حيدر أبد ما تحزن و تحتار
و احنه اعله المخيم يالعقيله أنصار
هيهات نقبل بيها...أحرار و انحاميها
و إنذل إعداك...للموت اوياك
عاهدنه علي و للموت عاهدناك
و تشهد فاطمه الآخر نفس وياك
عفنه الدنيه كلها و انت ما عفناك
يا آخر نفس بالموت شميناك
يحسين من حبينه...نوفيك و اتوافينه
وشقد نهواك...للموت اوياك
أنصارك غياره و ما تذل هيهات
شباب انطت عمرها و رفعت الرايات
بعدهم آل اميه و النهج ما مات
بعدنه اعله العهد و انرددك آيات
تاريخ يكتب دمنه...ثوار يا قائدنه
يالعاهدناك ...للموت اوياك |
|
