أضف الموضوع
الشاعر سيد رضا البو شوكه - 06/12/2014م - 10:26 م | عدد القراء: 3169
صعب فرقاك يوليدي... صعب فرقاك
إخذني اوياك يوليدي... إخذني اوياك
تركت الروح...ابحزن و بنوح
صعب فرقاك... صعب فرقاك
افراقك يبني ابنوح خلاني
نسيت الأربعه و إسمك عله إلساني
يمهجة فاطمه وصيت شباني
و كل من ينذبح لحسين وافاني
صحت يحسين يوليدي... صحت يحسين
ينور العين يوليدي... ينور العين
الدمع مسفوح...ابحزن و بنوح
صعب فرقاك ...صعب فرقاك
افراقك يالولد فجّر دموع العين
و لتفارق ولد مثلك تون اسنين
حبيبي حسين و حاربني عليك البين
و أحس كل شي ابوجودي ايصيح آه يحسين
الضعن من شال يوليدي... الضعن من شال
خذه الآمال يوليدي... خذه الآمال
القلب مجروح...ابحزن و بنوح
صعب فرقاك... صعب فرقاك
أقّضي الليل بالدمعه و قلب مجمور
و عله الخد دمعتي ترسم حزن عاشور
ما يخلص ونينه قلبي المكسور
و المكسور قلبه لو يون معذور
اشكثر حنيت يوليدي... اشكثر حنيت
و لا ظنيت يوليدي ...و لا ظنيت
من ايدي اتروح...ابحزن و بنوح
صعب فرقاك... صعب فرقاك
كسر قلبي زماني بلوعه و بحسره
نشف بحر الصبر عندي و خلص عمره
رغم هذا و قلت قلبي انجبر كسره
لون سالم يرد لي مهجة الزهره
لون اتعود يوليدي... لون اتعود
أعيش ابزود يوليدي... أعيش ابزود
النظر مشبوح...ابحزن و بنوح
صعب فرقاك... صعب فرقاك
اسمعت عباس ضحه ايساره و يمينه
و اتلقه الأرض إبني ابسهم عينه
الأجل يحسين فارق بينك و بينه
الحمد لله صحت وافاني كل دينّه
صحت عباس يوليدي صحت عباس
رفعت الراس يوليدي ...رفعت الراس
اخلصت مذبوح...ابحزن و بنوح
صعب فرقاك... صعب فرقاك |
|
