أيّا  شبل  الحسن  ردنه  الغيابك  حد  ...نعد  سود  الليالي  و يرد بينه  العد أيا  شبل  الحسن  ماي  الصبر محدود ...و إذا زاد العطش يذبح خضار العود ملينه  المته  عود  إعله  بختك  عود...و  يسد  باب الفساد الما رضت  تنسد يربان  السفينه  البحر  هاج  و  ماج...رجع  يوم  الخيانه  و  سيطر   الحجاج نريد  إنشوف  طلعت  نورك  الوهاج...لأن  وجه  النهار  إنقلب وجهه  أسود خلاص  الناس  عندك  يا  ملاذ  الناس...الشر  سره إوياها من الجدم  للراس و  بكل  الصدور  إمعشعش الوسواس...و ضربات الخطيئه إعله البشر  تشتد أيّا  آخر  العتره  و  آخر  الآمال...قد  ما  تره  إعيونك  دم  تبده  و  سال تعبنه  اليا  وكت  نبقه  إعله  هذا  الحال...نناطر  و  الفرج  للحين  ما   ورّد أيا راعي الشديده البلعدل منعوت ...الباطل خطف عالحق أسرع من الصوت يونس  أخذ  مده  و  ترك  بطن  الحوت...يالصبرك  الحوت و بحر صبرك  مد يظل  الثار  عندك  و  إنت  راعي  الثار...مر  إعله  البقيع  و إسأل المسمار مكانه   إبيا  ضلع  من  بضعة  المختار...و  إسأل  عله  الونه  البقت   تجدد أكو  يمك  قبر  يشجي  إبكبد  مثلوم  ...فلا  يحتاج  تسأل هو ينطي إعلوم يقلك             عالحسن            ليش            إنقتل             مسموم روح  الكربله  و  مر  عالنهر  تلقاه  ...لهسه  إدموعه  تجري  و آه تردف  آه يصيح  الغوث  ربي  إرحمني يا الله ...إسمعت صوت العطاشه و ما رويت  أحد