آنه   إبن   الذي   بسيفين  ضرباته...و  آنه  إبن  الذي  برمحين   طعناته آنه  إبن  الدنه  و  إتدنه  و  إتدله...وصل  حد  الفلا  مخلوق يوصل  له و  آنه  إبن  الصميده  و  إبن أبو الحمله ...أبويه بالوغه من ينسه  حملاته آنه  إبن  الحضر  نوح  إعله  طوفانه... إبويه إبكل كلافه إيقول هذا  آنه نخاه  موسه  النبي  من  شاف  ثعبانه  ...يا  ثعبان  يبقه  و شاف  عِصّاته آنه  إبن الغريب المنذبح عطشان...و لعبت فوق جسمه إخيولكم  ميدان ثلثتيام  ظل  مطروح  عالتربان...و  راسه  إعله  الرمح  و  إتسيل  دمعاته آنه  إبن  الوقع  للقاع  من  مهره...طلع  سهم  المثلث  من  خرز  ظهره و انا شفت الشمر قاعد على صدره ...و هو إعله الخيم مشبوحه نظراته آنه   الشاهدت   أطفال  مرعوبه...و  عماتي  و  خواتي  إقبالي   مسلوبه أنا  إبسهم  المصايب  روحي  مصيوبه  ...و آنا السال دمعه إقبال  شماته آنه  اللي  رحت  للمشرعه  إبحزني...و  أقله  إقعد  يعمي  و إنظر  المتني هالدنيه    بعدكم    وين    خلتني...سمعته    من    أون    وياي    وناته