أضف الموضوع
الشاعر السيد عبدالخالق المحنّه - 20/12/2013م - 4:41 ص | عدد القراء: 4437
لحظة موت... و التابوت... رمله تصفي تلهب النار
يـَ المطروح... راح تروح ...و الذباح سل بتار
ينده وين ...يـَ اخت حسين... يقعد فوق صدرك صار
ظل يآذيك ...يرفس بيك ...و انت تشوف حرق الدار
ضرب سيوف ...و اخته تشوف ...من الخيل لاذت بيه
متعنيه ...يطبر بيه... و بلا خوف ثنّى عليه
و الذباح ...مل و صاح... نحر حسين بيه أسرار
بيه تهليل ...بيه تقبيل... بيه أنفاس للمختار
بصدرك داس ...حز الراس... و الأطفال كلها اتلوع
حته الخيل ...صاحت ويل... تسمع صوت كسر اضلوع
جسمك راح ...طعن رماح... ضرب سيوف رمي أحجار
طولك ذاك ...قطعة هناك... قطعه اهنا ظل طشار
موت إحساس ...عند هالناس ...يـَ المذبوح من مقفاه
جف مبتور ...جف مشمور ...خنصر ضاع وين ألقاه
و الميدان ...صدرك جان ...ليش الكون ما يندار
تحت رمال... ألقه أوصال... حافر فوق خدك مار
و الميمون ...رد محزون و النسوان ...فرن ليك
وحدة تصيح ...وحدة تطيح ...و من الخوف لاذن بيك
وحدة تقول... ما مجتول ...وحدة تقول يا ستار
دارن سور ...ع المنحور ...دم و دموع فيض أعبار |
|
