طـال  إنتظارك... لا تنسه ثارك ...يبن  الحسن يـمـتـه  و نشاهد طلعتك جار الزمان إعلينه يـا  مـا نطينا أرواح إلك و بكل فخر  ضحينه جـم  مـره نـعتب سيدي و من العتب  ملينه نـادتـنـه  أصحاب الدجل غايبكم إنتم  وينه دربـك  قضيه ...أشرف هويه ...و جنة  عدن أول  شـعـار إنـوضحه و نرسم نريد  أهدافه و كل شيعي يبن المصطفه يبقه إسمك إعله إشفافه هـيـهات  درب التضحيه لحظه المحب ما  عافه و هـذا الـنهج يبن الحسن جن العقل  بأوصافه غـالـي لـواكم ...نتبع خطاكم...رغم الفتن يـمـتـه الـوعد يالمنتظر طول علينه  إغيابك مـا عـدنـه غيرك يا شهم بالمدمع إندق  بابك نـاديـنه  يبن العسكري و نسمع نريد  إجوابك خدامك  إحنه و شيعتك و إنت الشرف  محرابك لـو  حـاربـونه...لو  عذبونه ...حبك  وطن نـنـتـظـرك و عدنه أمل تجبر إقلوب الشيعه و  أمـرك يـبن خير الوره الآخر عمرنه  إنطيعه كـل  عـاشـق إبدم الشرف قدم إلك  توقيعه يـالـغـايب  و هذا العهد يخسه اليقول  إنبيعه لـلعزه  صحنه...لجلك صبحنه ...نلبس  جفن ويـنـك يـا أيوب الصبر فاض الصبر و  إتبده و  الـثـائـر العنده هدف غيرك امل ما  عنده و  درب الـكـرامه و المجد دم الشهاده  إيخلده يـا  ساعه ترفع صرختك ما قرب يومك  وعده يـمته و نشوفك...لتظن نعوفك ...رغم  الزمن طـال الـغـياب و شيعتك يبن الحسن  منتظره يـا يـوم يـا ساعه و زمن تطلب إبثار  الزهره و  كـل فـرد من شيعة علي لجلك يقدم  نحره و  وادي الـطفوف إيناشدك إعلن شعار  الثوره تـحـجي المشاعر...صوت المناحر...يمك علن