هـذا  يـا قـلـم ...يـوصـف الألم إبـدمـعة المهدي ...و دمعنه نرفع  العلم الـسـمـاء الجان صافي إختلفت  ألوانه غـيّـم  و جـن غيمه حمره تبجي  ويانه و  إزدحـم مـوج المدامع و إحنه سفانه أذن  آذان  الـوداع إبـوحـشة  أحزانه مـوسـم  الـجـراح...و الدمع  مباح هـذا أبو المهدي نودعه... و ثاره  بالذمم إبـدمـعة المهدي ...و دمعنه نرفع  العلم عـادت الـمـحبوب يبجي إيريد محبوبه مـا تـبات الدمعه ندري إبعيون مصيوبه ونـت الـمـهدي يتيمه روحه  مسلوبه والـده مـمـرود جبده و ينظر  إغروبه مـدمـعـه  يـسـيل...ساعة  الرحيل الـعـرب  سيدها هذا... و سيد العجم إبـدمـعة المهدي ...و دمعنه نرفع  العلم مـن يـشـيع هالجنازة إبروح  مفجوعه ونـت  الشيعي  إنعرفها و نعرف  إدموعه صـحنه  ويلاه يا إمامي إبحسره و  بلوعه و الـجـنازة إعله الأصابع كون مرفوعه نـكـتـب  الـعـهـد...ما نذل  أبد و  الإمـام الحجه يمنه... و نقسم  القسم إبـدمـعة المهدي ...و دمعنه نرفع  العلم الـظـلـم  لو  دام دمّر و الحصل يا  مه جـم  يتيم إنصاب قلبه إبسمه و  إسهامه هـذا إبـن الـهـادي بالسم يختم  أيامه و الإمـام الـمـهدي يمه و أشعر  آلامه ودع الـحـنـيـن...إبـحسره و بأنين إنـهـدم  قلبي يمهدي... و قلبك  إنهدم إبـدمـعة المهدي ...و دمعنه نرفع  العلم أمـة  الـبـاعـت  ضـماير ما  نعاتبها المستحب  عندها وجوب و تنسه  واجبها ذلـة و صـوت الـكـرامه ما  يناسبها غـيـر أبـو صـالح المهدي ما  يحاسبها سـاعـة الـحـساب...تنحني  الرقاب مـا تـرد الراح حسره... و دمعة  الندم إبـدمـعة المهدي ...و دمعنه نرفع  العلم أشـعـر بمأسات إمامي و أعرف  إهمومه لـو  زرت  سـامـره أنظر قبه مهدومه أشـتـم إترابه و أنادي روحي  مهضومه و أشـعـر الزهره الزجيه اليوم  مسمومه فـاطـمـه  تـنـوح...تنزف  الجروح تنحب الزهره إعله إبنها... و الظالم إبتسم إبـدمـعة المهدي ...و دمعنه نرفع  العلم شـيـعة  الكرار حضرت نعشك  إتشيعه صـيحت المهدي يبويه إجروحنه  إتسمعه حـجـة  الله  إبهذا عمره ووالده إيودعه نـاحـت  السبعه  المصابه و الوحي  ينعه سـيـد  الـسـلام... أصـبح  الإمام هـو  بـالموكب تقدم ...صاحب الشيم إبـدمـعة المهدي ...و دمعنه نرفع  العلم نـعـشك  أحبابك تشيعه إبروح  محزونه بـس  أبـو  الأكبر غريب و ما يشيعونه ظـل  ثـلـثـتيام  عاري و ما  يدفنونه عـالـرمح  راسه و لزينب شابح  إعيونه نـظـرة الـغـريـب ...تجرح  الحبيب عـالهزل  يحسين  أخبرك... راحت الحرم إبـدمـعة المهدي ...و دمعنه نرفع  العلم