هـالـدنـيـه مـا رحـمتني...أحمل هضم  خلتني شـفـت  المحن و ألالام...إشلون أنسه جور  الأيام أحــمــل هــضــم خــلــتــنـي مـا تـطـفـه جـمـرة علتي و لا تطفه نار أيامي و كـربـله إتعيش ابخاطري و صارت سبب  آلامي و جم جسم شفته إعله الأرض و طايح ذبيح و دامي و  جم  كوكب إقبالي إنحجب و شفته إنذبح  جدامي و شـفـت الـجثث مسلوبه...إبدم النحر  مخضوبه إشلون أنسه دفن الأجسام...إشلون أنسه جور الأيام أحــمــل هــضــم خــلــتــنـي شـاهـدت  كـوكب عالأرض إبدم الوريد  إمعفر و  نـاشـدت عـنه و جاوبوا و هذا إخوك  الأكبر و  مـهـمـوم جيت المصرعه و نار المصايب  تسعر كـنـي شـفـت جسم النبي و فوق الرمال إموذر إبـدمـع الـجـفن غسلته...إحفر القلب و إدفنته خـابت  يوسفه  الأحلام...إشلون أنسه جور  الأيام أحــمــل هــضــم خــلــتــنـي و الـنـوب بالمصرع شفت إهلال و خضيب  إبدمه إتـعـنـيت  إله  إبشوغة قلب و إحنيت ضلعي يمه طـالـعـت لن فوق الأرض و جسام طايح  جسمه و  مـن  ردت أدفـنه ناشدت و هذا الجسم شيلمه عـريـس  جسمه إمقطع...و الحوفه وسط  المصرع إشلون  أنسه  لوعة جسام...إشلون أنسه جور الأيام أحــمــل هــضــم خــلــتــنـي و  ثـالـث  مـصيبه إبكربله و خلت دليلي  يلهب شـاهـدت  مـن هاشم بدر و يم الشريعه  إمخضب شـاهـدت  بعيونه السهم و راسه إبعمود  إمصوب و مـا حـسـبـت بـدر الشيم و يم النهر  يتغيب و  مـن  شـفت مصرع عمي...زيد مصابي و  همي وسـفه  إنحجب بدر التام...إشلون أنسه جور الأيام أحــمــل هــضــم خــلــتــنـي و رابـع سـهـم صاب القلب و خله بدليلي  جمره و مـن شـفت عبدالله الطفل و بالسهم قطعوا  نحره و  عـطـشـان  قطعوا رقبته و حيرني بالطف أمره و  هـالـطفل  خله ابمهجتي جم نايبه و جم  حسره إمـصـاب  الـطفل صوبني...و قطع النحر  شيبني جـرح  الـقلب ما يلتام...إشلون أنسه جور  الأيام أحــمــل هــضــم خــلــتــنـي آخـر  مـصـاب  إبـكـربله عيني ابسهم صوبها و  مـن شـفـت بالمصرع شمس جور الدهر  غيبها إتـسـلـبت من عقب الذبح و جف الطمع  سلبها و  هـالـشمس  غُرة والدي و فيض النحر  خضبها مـتـغـسـل  إبـدم نحره...و بيدي دفنته  إبقبره إشلون  أنسه  حال الأيتام...إشلون أنسه جور الأيام أحــمــل هــضــم خــلــتــنـي