حـسـين  إبقلبي كل لحظه و  أدورنه أبـيـعـن روحـي لجله و ما  أبيعنه يـفز  كل حين بيه...حب إبن  الزجيه أبـيـعـن روحـي لجله و ما  أبيعنه إفـرض  لـو  دلـيلي عاند  إبمسراك أشـوفك بالدمع و اقعد و أون  لهواك يـمـن عشت بخلاياي و عشت وياك يـمكن أنسه عمري و لا تظن  أنساك إلك  روحي نذر ياللي إملكت  روحي و  بـحـبـك أحبن تلجم  إجروحي و الـحـبـي أذيه...حب إبن الزجيه أبـيـعـن روحـي لجله و ما  أبيعنه أذان  الـدمـعـه حين إيكبر  إبصوته تـقـوم إمـن الـمـقابر تلطم الموته يـموت اللي إعله حبك مجلس  إيفوته و يـنـصـب مـآتمك يحسين  تابوته مـيـموت  الذي  دجرك عله  إلسانه و أحـرف إسـمـك إترددهن إدمانه بـالـدم  و الهويه...حب إبن  الزجيه أبـيـعـن روحـي لجله و ما  أبيعنه تـفـرح  دمـعـتي لمن يهل  عاشور يـخـطـر  بالجفن يحسين جم ناعور تـتـنـطـر  محرم دمعتي من إشهور تـنـزل  و بـدليلي جمره منها  إتفور صـرت  كل ساعه التماشيهن  إسنيني صرت عيني و تشوفك جن شمس عيني يشع  بالكون  ضيه...حب إبن  الزجيه أبـيـعـن روحـي لجله و ما  أبيعنه عـطـر  عنده  محرم عطر بيه  إجنون مـن  إيهب  نسيمه الناس بس يبجون تـمـر  أيـام بإسمك هالخلق  يحجون كـل  جلمة حسين إتفيض إلها  إعيون تـمـوت الـدمعه لو ما تجري بجفوني و إلـك يـحسين أريد أعميهن إعيوني تـظـل لجله جريه...حب إبن الزجيه أبـيـعـن روحـي لجله و ما  أبيعنه الـعشق مو جلمه بس و يلهج  إلساني الـعشق ذمة شرف تجري إويه  شرياني الـعـشق  علمني أموت العين  خلاني عـشـق  حـسين  أبد ما أبدله  بثاني الـعـشـق  مره  يصير و ما  يبدلونه الـعـشـق حـد المنيه و ما  يغيرونه و  الـحـد المنيه ...حب إبن  الزجيه أبـيـعـن روحـي لجله و ما  أبيعنه