حـيدر  حيدر حيدر  حيدر مـا نـقـدر نصبر ما نقدر لـو كـل الـناس  إيعادونه نـهـتف بإسمك و يسمعونه نـتـحـده لـلي  يتهمونه إنـت الـحق و غيرك منكر هـاي  الأرواح  إنـضحيها هـاي الأجـفان  إمفصليها و  هـاي القامات  إملوحيها إحنه إفروعك و إنت المصدر صـرخات  و  بالدم  نرفعها بـيـعـتنه  إبدمنه  إنوقعها و  الـعـدوانك   منطاوعها نـلـبس  أجفان و  نتحضر مـا  ننسه حسين و لا  يومه و  الـلي يرخص دم  لتلومه هـاي الأرواح الـمهضومه و  الـضلع  البلباب  إتكسر رغـم الـمـغـرور  بأيامه إنـواسـي  العباس و آلامه رغـم  الـنيران اللي  تسعر فـتـوتـنه ابهالدم  تتسجل يـالـتنكر  فكرتنه و  تجهل يـا  راس إتـصوب  بالمحمل نـصـرخ  بالدمعه  التتفجر

نـتـطـبـر  بإسمك نتطبر إبـفـكـرة  غيرك ما نتأثر عـنـك  هيهات  إيحجبونه نـضرب  قامه  و ما يهمونه عـنـك نـتـنازل يردونه مـهـمـا  عملوا  ما  نتغير و إدمـوم الأجـلك  نجريها إنـوقـعها إبدمنه و  نمضيها تـعـرفنه  الدنيه  و ما  بيها مـا نـتـراجـع لو  نتوذر و الـلـي ما سامع  يسمعها و إجـروح الروس  إنوسعها قـامـات إبـجفنه إنشرعها لـمـصاب  أولادك  نتذكر بـاجر  دمنه إيواسي إدمومه نـكـشف  غايتنه  المكتومه مـا نـنسه الزهره  المظلومه لـجـلـه  الدم باجر  يتنثر إنـقدم دمنه و نضرب  قامه و الـعـامود الصوب  هامه رغـم  السلبوا  خدر  الخدر لا تـتـغـيـر لا  تـتأول من  محمل  زينب روح إسأل و  إحـنه إبزينب خل  نتمثل عـن  هـالواجب ما  نتأخر