أضف الموضوع
الشاعر علي السقاي - 05/12/2012م - 2:16 ص | عدد القراء: 3365
نـسـأل مـحـمـد ...و إنـقارن الجيشين....أصحابه أثبت ...لو صحبتك يحسين
و إنـقـلـه يـالـمـخـتـار...إلـمـن بـعد تختار....نسأل محمد... نسأل محمد
يـا مـن تـعنوا ليك ...بالحومه حاطوا بيك... و إمشرعات إعليك ...سمر و هنادي
و أنـصـارك الـسبعين ...بالطف يا أصل الدين... للبيعه رغم البين ...مدت أيادي
بـالحومه صاحت صوت... ميهمنه كل طاغوت... إحنه بإسمنه الموت... أصبح ينادي
حـدك تـشوف إرجال... تثبت ثباة إجبال... متهزنه و بكل حال... ريح الأعادي
هـالـصـفـوه عـنـدك بيهم رفعت الراس...يحسين و جدك ما عنده هاي الناس
خـل نـسـألـه إعـلـه الـصـار...إلـمن بعد تختار... نسأل محمد نسأل محمد
يـحـسـين و يا مظلوم ...جدك نقله اليوم ...يا صفوه من هالقوم... تتمنه صحبك
هـذا الـسـؤال إيريد... منك جواب إيفيد... و بيا ثباة إتشيد ...جان إعله دربك
يـا مـرسل المعبود... يا ثورته إبكل زود ...سلمك إله مردود... و حرب الله حربك
يـا والـد الـزهـراء ...مـا تنطق بأهواء ...كل منطقك إيحاء... و اليوحي ربك
نـسـمـع جـوابـك يـا سـيـد الأكـوان...و الـتشهد إلها يشهد لها الرحمان
لـو شـاءت الأقـدار...إلـمـن بـعـد تـخـتـار...نسأل محمد... نسأل محمد
جـدك مـحمد شاف... يا ما نبل و أسياف... و بكل حرب أوصاف... حره و لئيمه
إنـقـلـه يهادي الكون... لو صحبك إيثبتون ...ما جا دفعت إديون ...أول هزيمه
إبـوقـعة أحد جاليش... ما طاعتك هالجيش ...تبعت هواها إبطيش... لأجل الغنيمه
عـكس الجره إبعاشور ...صفوه التمد إنحور ...خلت دماها إتفور ...و ظلت عظيمه
ذيـج إبـطـمـعـها إتخاف الغنيمه إتضيع ...ما طاعت أمرك و هاي إبدماها إتطيع
عـنـدك طـمـع و إيـثـار...إلـمـن بـعد تختار...نسأل محمد... نسأل محمد
يـالـهادي بالأصحاب ...شفنه التمد إرقاب... و بوقعة الأحزاب... خل نلقي نظره
عـمر إبن ود من صال... ما شفنه هالأبطال... بس واحد إعله البال ...و محد ينكره
أعـني الوصي الكرار ...إبحد ذاته عسكر صار... و هالعسكر الجرار... للباري نصره
مـن عنده هاي إدروس... لهل البصيره إشموس... بالطف تضحي إنفوس... لمن تذكره
هـاي الـتـضـحـي بـالـمـهجه و الأعمار...درس البساله علمها حامي الجار
مـا مـثـل هـالأنـصـار...إلـمـن بـعـد تختار...نسأل محمد... نسأل محمد
خـيـبـر إلـك برهان ...يالهادي بالميدان ...يا هو إعله مرحب جان... صارم يقينه
و لا هـذا حـتـه و ذاك... رد برفيف إلواك ...بس الوصي وافاك... بيده الأمينه
حيدر أبد ما خاب ...و إتسمه داحي الباب... و حصن اليهود إرتاب... إبشمرة يمينه
و نفس العزيمه إتشوف ...صفوه و بيديها إسيوف... اليبرز إله موصوف... ليث العرينه
هـالـصـفـوه بـالـطف ضحت لبو السجاد...لا ما تعذرت من حان الإستشهاد
و إنـت إعـلـه هـالأدوار...إلـمـن بـعـد تختار...نسأل محمد... نسأل محمد |
|
