يـا عـلي عندي زلم... كلها عزم ... جت  كربله حـامت إحدود الخيم ... دمها رسم ... عقد  الوله تــرفــض  الـعـار...  عـاشـت  أحـرار دون  الأطــهــار...  أنــطـت  أعـمـار هـذي  يـبـويـه  صحبتي أنطت إعهود إبنصرتي عـافـت حـلايـلها و إجت غايتها تحرس  عيلتي و  بـيها  عله الكون أفتخر لا صحبه تشبه  صحبتي فـاضـت مـنـاحـرها دمه و إتريد تسلم  رقبتي قـدمت  لجل  العهد ... روح و جسد...  بالملحمه إبـكـربـله يالمرتضه... نالت رضه... رب السمه صــفـوة  أبـطـال...  خـاضـت  أهـوال ثــابـتـه  إجـبـال...  إبـوجـه الأشـرار تــرفــض  الـعـار...  عـاشـت  أحـرار دون  الأطــهــار...  أنــطـت  أعـمـار أنـصـاري أنـصـار النبي هيه اللي حفظت  سنته إشـقـد  فـرق بين البايعت هادينه و اللي  غدرته ذيـج  إبـطـمـعـها للملك للهادي ميت  عافته و  هـذي يـبويه إتمسكت إبطاها و كتابه و  عترته آمـنـت أهـل الـوفه ... بالمصطفه ... و  ذريته بـيـعتك  بيها  إلزمت... و إتمسكت... يا هل أته صـحـبـتـي هـاي... تـطـلـب إرضـاي وقــفــت إويــاي... وقـفـت  إيـثـار تــرفــض  الـعـار...  عـاشـت  أحـرار دون  الأطــهــار...  أنــطـت  أعـمـار إتـمـنـيـت آنـه صحبتي إبيوم السقيفه حاضره مـا  جـان حـقـك تغصبه ذيج العصابه  الغادره و  لا جـان دارك تـلـتهب إبنار الضلاله  المسعره و  لا جـان ظـالم يعتدي إعله أمي الزجيه الطاهره يا علي لو هي إحضرت... جان إخمدت... نار الفتن لو  إجت ضلع الطهر ... ما ينكسر ... يا با  الحسن إبـلـوعـه حـسـيـت... إشـقـد تـمنيت حـاضـره  ريـت ... إبـهـجـمـت  الـدار تــرفــض  الـعـار...  عـاشـت  أحـرار دون  الأطــهــار...  أنــطـت  أعـمـار أنـصـاري أنـصـار الـوفـه أطواد و بهيئة  زلم إشـمـا تـكـثر إجيوش العده لا تجفل و لا تنهزم إبـصـفـين  لو هيه إحضرت ما جان تقبل  تحتكم و  لـو حضرت إبعصر الحسن ما جان يجنح  للسلم لـلحسن محد وقف... وقفت شرف... من صحبته بـالعكس  يوم الشدد... عدها عهد ... ما  حفظته و عـنـدي أصـحـاب... صـفـوة  أطـياب تــنــطـي  إرقـاب...  يـوم  الأخـطـار تــرفــض  الـعـار...  عـاشـت  أحـرار دون  الأطــهــار...  أنــطـت  أعـمـار لـو  حـاضر  الطف يا علي و إتشاهد أنصار الإبه الـكـل مـنـهم إبزوده برز و إيريد ينصر  مذهبه مـا  صافحوا جف الظلم بس صافحوا بيض  الضبه كـل قـطره من دمهم جرت حاموا خدر آل العبه ضـاحـكه  و متبسمه ... بالموزمه... إبرغم العده لـلـمـنيه إتقدمت... و إتوسدت... حجر  الرده طــاحــت إجـسـوم... تـنـزف إدمـوم و آنــه هـالـيـوم... وحـدي  مـحـتـار تــرفــض  الـعـار...  عـاشـت  أحـرار دون  الأطــهــار...  أنــطـت  أعـمـار أنـصـاري  ضحوا بالنفس و إعليها يشهد هالدهر ويـايـه  وقـفـوا  بالشدد و نصروني إبدم النحر مـن حـقـي إلهم أنتحب من حقي لو دمعي  إنتثر هـالـصـحـبـه  ما ألقه أبد إلهم مثل بين  البشر مـن قبل أهلي نطت... دمها و ثوت... فوق  الثره مـا  على  دمعي عتب... لمن سجب... إلها و جره آنــه مــهـمـوم... حـسـرتـي  إتـدوم أبــجـي هـالـيـوم ... خـيـرة أنـصـار تــرفــض  الـعـار...  عـاشـت  أحـرار دون  الأطــهــار...  أنــطـت  أعـمـار