ثـايـر إويـه الـثائر ...متفقه  الأفكار مـتـوحـده  الـغايه...متوحده الرايه مــتــفــقــه   الأفــكـار حـسـين  و حبيب حسين تصوير  إثنين حـطـهـم  إقبال  العين و إنظر  بالعين ذاك  إجـه  إبـثـوره و إجه هذا إيعين هـذا حـبـيب و ذاك ابو اليمه حسين مـن قـبـل أبو اليمه إمصاحب الكرار ويـه  عـلي إبعصره...بالسلم و الثوره مــتــفــقــه   الأفــكـار ابـهـالـروح و إمـحافظ عله جوهرها عـالـحـق  ربـت و الدهر ما  غيّرها ابـكـربـلـه إسـنين الماضيه صورها رايـة عـلـي الـمـوعود بيها إنشرها جـانـت إبـمـاضيه سر امن الأسرار جان  إويه الحمله...اليوم إصطحب شبله مــتــفــقــه   الأفــكـار هـذا الـذي إيـديـر الأمـور  إبعقله يـدري  الـحـوادث بـالدهر  متصله و  مـا  تـعـرف الإنـسان إلا  إبفعله كـل واحـد و قـالـوا يـعاشر  مثله و  الـعـشـره تـلقاها لو جنه لو  نار ويـه الذي إيصحبه...بالسهله و  الصعبه مــتــفــقــه   الأفــكـار الـجـنـه مـعروفه إبجميع  الأوصاف الإنـسـان  يـوصلها إبسمو  الأهداف بـالـخـيـر  بالحب للبشر  بالإنصاف بـالـمـا يـغـش الـناس بالما يلتاف بـالـيـزرع و يـجـعل لجياله  الأثمار يـحصد إشما يزرعه...إبطبع امته و طبعه مــتــفــقــه   الأفــكـار و  الـنـار  هـم بـيـها علائم  تظهر لـلـيـحـقد إعله الناس لليضمر  شر لـلـيـغـش لـلـيكذب و  لليتهور لـلـيـقـلـب الـحق باطل و يتكبر لـلـيـعـتـدي إبجهله و إيهدم  إديار إنـت  تـوافـقني ...إبهذي و  تصدقني مــتــفــقــه   الأفــكـار مـيّـز أهـل وكـتـه حبيب  إبتفكير شـاف  الـذي بيه شر منو و البيه  خير إنـت إشـقلت يا هو الذي إوياه  إيصير يـرجـع لـعـد عقله و إلك  هالتقدير الشر يصحب الباطل الخير إويه الحق  صار كل واحد إبجانب ...و كلمن له صاحب مــتــفــقــه   الأفــكـار هـذا  حـبـيـب  اللي وعه من  يومه شـاف الـحـيـاة إبلا شرف مذمومه إخـتـار الـصـحيب الما يخادع  قومه إخـتـار الـذي مـن الرسول  إعلومه و  الـعـنده  شر وله راح إويه الأشرار و هـذا إجـه الـربعه...إبرايته  المرتفعه مــتــفــقــه   الأفــكـار يـحـسـيـن قـال آنه الذي منتظرك آنـه  الـنـصـير  و خاين الما  ينصرك لـلـسـيف  نحري إيكون يسبق  نحرك لـلـخيل  صدري  كون يسبق صدرك خـلـي إلـي الـجـوله أحمل بالأنصار كـل  بطل من عندها...مثلي  مقاصدها مــتــفــقــه   الأفــكـار