يـا  حـبيب  حسين مو ناسيها...راية الحق يالتفكر  بيها إمـعـنـونـه و إمـسـجـله...بإسمك إبطف  كربله رايــة الــحــق يــالـتـفـكـر بـيـهـا حـسـيـن ذاك حـسـيـن ميمر أبد نسيان إعله باله أبـد مـيـعـيـف الـحـبيب و لا قطع خط إتصاله إشـلـون  هـو  إقـبـال عينك إنت هم صاير  إقباله لإعـتـدالـك هـو رادك و إنـت ردتـه  لإعـتداله و يـا هـي إبفكرته منسجم...و يا هي إبجهاده و  العزم إيـعـرفـك  بطل حر تلتزم ...إبعهده و تأدي  الرساله و  الذي يحمل رساله إعليها...إيضحي دمه الغالي و يأديها بـيـك  أبـو  الـيـمه إتصل...و عقد بإسمك يا بطل رايــة الــحــق يــالـتـفـكـر بـيـهـا و  الـتـجـارب هـيه تكشف ذات كل واحد إبطبعه إبـيـن مـن شـاف إبـشـعوره الواعي الحق و يتبعه و بـيـن مـن ذاك الـيـدور ظـرف يـلقه بيه  نفعه و بـيـن مـن تـلـقـه التعصب و لو عالباطل يدفعه و مـجـره الـحـوادث بالدهر...هيه التجارب و العبر الـتـاريـخ  سـولف  للبشر...و البشر قامت  تسمعه صـور يـطبع قام و يخليها...للأجيال اللي تجي  إيراويها يـا  حـبـيـب إبـصـورتك...إشراح يرسم  رايتك رايــة الــحــق يــالـتـفـكـر بـيـهـا إنـت مـن أول حـيـاتـك مـعتدل واعي و  مفكر تـدري هـالـدنـيـه زوال إشـمـا تطول إشما تكّثر و الـذي يـقـضـي حـيـاتـه إبـنفع ذاته ما  يأثر و الـذي إيـجـود إبـحـيـاتـه الأمـته للأمه يثمر يـصـبـح الـتـاريخ العمر ...تلقاه حي إبكل  عصر إسـمـه عـلـه الـوادم يـمـر...مثل هذا اللي يعمّر هـالـحياة  البلشرف يقضيها...إسنين تاريخ أمته  يحييها إنـت مـن غـيـرك أصـح...يـا هو تاريخك  فضح رايــة الــحــق يــالـتـفـكـر بـيـهـا الـواعـي مـا يـحـتاج واحد يقره بإذنه ألف  جلمه الـمـسـألـه  بـيها وضوح الوضع كل واحد يفهمه مـثـل  هـذا  صـبح نور و ذاك ليل و و غيمه ظلمه مـا يـصـيـر الـلـيـل مـثل الصبح للوادم ترسمه كـل  شي على طبعه إنرسم ...الدور هذا در ذاك  فحم هـذا إعـتـدل ذاك ظـلم ...العدل من شبهه  إبظلمه النافعه  إويه الضاره إتساويها...هذا مو وجدان لا تحجيها إتـشـوف يـا هـي النافعه...و كل وكت مو  ضايعه رايــة الــحــق يــالـتـفـكـر بـيـهـا قـام غـيـرك حـمـل رايـه و غرته الدنيه  إبوعدها و هـذا مـو جـاهـل مـفـكر و نفسه يتأمل  مجدها و  سـادس الإسـلام أبـوه الـوادم أرقـامـه  تعدها مـا  عـرف  هـالـرايـه إلمن ما عرف شنهي قصدها بـيـها شرف يوم و شرف...يو بس حمل رايه و  زحف و لـمـن زحـف شنهي الهدف...و رايته يا هو العقدها عنده  يا نيه الذي إيناويها...و لعد يا خط معركه  إيوديها لـعـد يـا غـايـه إنـدفـع ...إلـمن إيحارب طلع رايــة الــحــق يــالـتـفـكـر بـيـهـا مـن يـجـي واحـد يـسـأله إيحلفه إبسادس إسلامه حـسـيـن  أفـضـل لـو يزيد إيقول لحسين الإمامه إهـنـا  الإحـراج إشـيـجاوب بعد محكوم  إبكلامه لـيـش جـا يـطـلع الحرب حسين و يحاصر  إخيامه إيـقـنـع  الـنـاس ابـهالعذر...فارض طلعتي  بالجبر قـلـه  إشـبـقـه  مـن العمر...حته تترجه السلامه لا قـبـض ري لا عمر تاليها...و الجريمه إعليه شيغطيها إمـن الـمـواعـيـد إنـحـرم...راح عمره و لا لزم رايــة الــحــق يــالـتـفـكـر بـيـهـا جـان مـوعـود إبـزعـامـه و للزعامه نفس  ترغب ظـل يـخـيـر نـفـسـه بـين إثنين و إيعين المطلب يـوقـف إبـجـانب حسين الريّ يروح و هذا مكسب يـقـص  راس  حـسـين يدري بالعذاب إعليه ينصب يـنـحـرم  جـنـات الخلد ...ابهالحيره أصبح  مرتعد الـجـنـه و الـريّ الـقصد...الجنه تبطي هاي أقرب إختار  إمره إيزيد ما ينطيها...و إنحرم من جنه ميطب ليها و الـجـريـمـه إبـرقـبـتـه...و بـحـيـاته فاتته رايــة الــحــق يــالـتـفـكـر بـيـهـا يـا حـبـيـب إشـجـاب هذا إلك يالكلك  مناقب إنـت واعـي و بـالإراده صـلـب تتحده  المصاعب قـلـت  لـو يـمـلـي يزيد الدنيه لي كلها  مناصب مـا  أسـاوم مـا أسـاهـم بـالـجـرايم و المعايب طـلـقـت  دنـياك و قمت ...ويه الحسين و  ساهمت و  لا عـن جـهـاله حاربت...حاربت ظالم و  غاصب صحت  روحي  الغاليه أفديها...للحسين الأمته  إمضحيها حـسـيـن هـالـلـي راسلك...و قال هالرايه  إلك رايــة الــحــق يــالـتـفـكـر بـيـهـا جـسـمـك  إتـكاثر  إجروح و تلفظ أنفاس الأخيره و شـابـحـه لـحـسـين عينك يا حبيبه و يا نصيره إتـقـلـه فـكـر بـالـخـيام و بالعيال اللي إبحيره لـو  فـارقـت هـاي الخيم...منهو اليظل يحمي الحرم تاريخك إبهاي إنرسم رايتك طرزها دمك راية الحق خلدتها