أضف الموضوع
الشاعر المرحوم الشيخ عبدالحسين أبو شبع - 15/11/2012م - 1:46 م | عدد القراء: 3320
ويــنــك يـا بـويـه ...عـن الـغـريـبـه
مـثـل هـالـيوم الصار...تمتنع يا كرار...عن الغريبه
مـو مـصـيـبـه الدهر دبها اعليها كورها مصايب
مـو غـريـبـه الـلـي تندبك لا يبو الحمله غرايب
لا إخـيـام و لا رجـال الأهـل نـومـه بالحرايب
جـثـث طـشـرها الزمان الجانت إبجمعت كواكب
و لـنـي غـريـبه إبكربله...مو وحدي يا عقد الوله
خـلـت إشـبـولـك عائله...إبولية الناس الأجانب
شـذكـر شـسـولـف عـن يـا مـصـيـبـه
يـا بـويه آنه أنخاك...ما واحد الحاجاك...عن الغريبه
بـويـه شـذكر لك إشبولك حاربت و إهيه إبضماها
يـو أقـلـك جـثـث فـوق الـقاع غسلها دماها
عـيـن أبـو فـاضـل الجانت أمس تحرسنه إبضواها
عـنـه هـاي الـعـيـن راحت و السهم بويه طفاها
و يـمـنـتـه التحمل رايته...إويه الرايه طاحت يمنته
إقـطـعـهـا عـدوه إبغدرته...إبحربه ما واحد لواها
بــدر الــهــواشـم أصـبـح مـغـيـبـه
غاب البدر بدماه...و إنحجب بويه إضواه...عن الغريبه
راح ذاك الـلـي ذخـرتـه لـلأخـو وصـيته بينه
راح ذاك الـلـي كـفـلـنـه راح حـماي الضعينه
لـو تـقـوم إتـشـوف ذاك السهم بيه إنطفت عينه
لـو تـقـوم إتـشـوف يـمنه إجفوف يسراه و يمينه
و تـنـظـر يـبـويـه هامته...و تنظر إجروح إبجثته
إمـحـامـيـنـه جـان إبرايته...اليوم عن الخيم وينه
عـقـبـه الـخـيـمـنـه مـا بـقـت هـيـبه
خيم وجوها إبنار...ما وصلت ليك أخبار...عن الغريبه
بـويـه عـن يـا حـال أسولف بويه يا حال التنظره
يـا هـو مـن عـدهـم تشوفه عالثره مقطوع نحره
إبـيـن طـعـنـه إبين رميت سهم بين إبراسه طبره
حـتـه عـبـدالله الرضيع الما بلغ ست اشهر إبعمره
الـطـفـل قتلوه بالنبل...و جسروا على راس الطفل
مـن جـسمه خلوه منفصل...و خلوا إبقلب أمه جمره
إتـريـد إبـدمـعـهـا تـطـفـي لـهـيـبـه
إبـدمع تطفيه و نوح...جمرة تسعر متروح...عن الغريبه
بـويـه مـا أقـدر أعيف أطفال أخويه و رحت عنها
ويـن أدور لـلـمـصـارع رحـت و الروح بألمها
إلـقـيـت جـثـه وذر يـا كـرار متخضبه إبدمها
شـفـت طـفـله عله الجثه يبو حسين و رحت يمها
يـم جـثـة إبن أمي شفت ...هالطفله عالطفله طحت
يـحـسـين شو عني رحت...و عفت هالطفله إبيتمها
هـالـطـفـلـه يـمـك إبـدمـك خـضـيـبه
ناديت أخويه حسين ...يبن أمي رايك وين ...عن الغريبه
جـبـت هـالـطـفله اليتيمه و ردت يم الحرم أرجع
و لـن شـبـح صاير إقبالي و صوت من الشبح أسمع
لـن شـفـت طـفل الرضيع إبحضن أمه إتقله إرضع
هـالـطـفـل كل ظنها عدل...نادت إبمدمعها اليهل
در ثــديــي إرضـع يـا طـفـل
صـارت إبـيـا حـال زيـنـب آه يا حال الغريبه |
|
