راسـك  يخويه مشبوحه عينه ...إبراس العوالي و خايف علينه يخويه  و  زين أعرفك ...غيور و هذا وصفك ...خايف  علينه مـن درب الـصـعـب مـمشاه مشيت و عالترب عفتك و لـو جـان الأمـر بـيـدي مـا يـحـسـين فارقتك لأنـي أدري بـأطـبـاعـك يـخـويـه الهالسبب شفتك ويـايـه إرسـلـت راسـك تـريـد إتسلي قلب  إختك حـتـه  يـخويه و جثتك رميه...خايف بقيت و قلبك عليه و أنا أدري إشيخوفك ...غيور و هذا وصفك ...خايف علينه راسـك  بـيـه نـفـس طـبعك نفس الطيبه و الإحسان مـن  شـاف إخـتـك إبـضيجه ضاج و هوه فوق  الزان لأنـه  يـدري بـالـقـرآن عـنـي تـنـجلي  الأحزان قـام  و هـوه عـالـعـسـال لـيـه إيـرتـل  القرآن تـقره  الكتاب  و حين اللي تقره...هالغايه جانت قلبي  تسره و  تدير  إعليه طرفك ...غيور و هذا وصفك ...خايف علينه يـخـويـه و هـذي مـا جـانـت تـمـرني حته بخيالي و  أعـاتـب  بـالـي لـو فد يوم حجه عن مصرعك بالي و تـالـي مـدري شـنـهـو الصار و راسك أنظره إقبالي يـبـره إبـعـيـنـه لـلأطـفـال و نـوبه إبعينه يبرالي من  عينه يحجي و أفهم كلامه ...حفظي يا زينب بعدي  اليتامه ذبيح  و بادي عطفك ...غيور و هذا وصفك ...خايف علينه إعـيـونـك خـلـهـا مـفـتوحات بالدرب و يسلوني أدري بـالـدمـوع إحـروف مـن إتـهـل يـحـاجوني لـجـن غـمـضـهـا لو طاحت يراسي إبشوفك  إعيوني مـا أريـدك تـصـد و إتـشـوف لـو ضـربوني بمتوني حـالـي الـتشوفه أدري يألمك...إبضربة إمتوني تتذكر أمك ابـمتن  أمك أحلفك ...غيور و هذا وصفك ...خايف علينه رمـح الـلـي حـمـل راسـك مـا جـنـه رمح لاجن قـول إشـمـا تـريـد إتـقـول مـا يـتعذر رايي الظن شـفـتـه  إبـحـال يـا خـويه فكري الكون بيه يصفن كـل سـاعـه و عـلـى مـحـمل وقف و إعليه يتضمن و إعـلـه الـمـحـامل لمن يمرها...رايد يخويه إيعدّل سترها إبكثر  ما يجري نزفك ...غيور و هذا وصفك ...خايف  علينه