أضف الموضوع
الشاعر هادي البوحمادي - 12/11/2012م - 10:38 م | عدد القراء: 4231
يـا ذخـر خـوانـي... أرد أطب ميداني
يالله شـدوا إحـزام... الأكـبر و جسام
أرد أطـب مـيـداني... أرد أطب ميداني
يالله يـا إلـيوث الهواشم يومكم... حيدر
يالله فـيـضوا هالحريبه إبزودكم ... حيدر
و كـون يـقضي يا زلم ملزومكم ... حيدر
قـوموا بين حسين بينوا إعزومكم... حيدر
الـقـمـر و إنجومه ...نظروا إعله الحومه
مـهـر أبـو الـيـمـه ...هـوسوا يمه
أرد أطـب مـيـداني... أرد أطب ميداني
إتـباشروا عالحومه فرسان النضال... حيدر
و بـيـهـم العباس إيقسم للقتال... حيدر
الأكبر إبدستوره صوب اليمنه صال... حيدر
و عـاليسار القاسم إبعدوانه جال... حيدر
صـاحـوا إعـلـه القوم...الوعد هاليوم
و الـلـي قـال آنـه...يـطـلع إويانه
أرد أطـب مـيـداني... أرد أطب ميداني
وقـفت آلالاف الصفوف إقباله ... حيدر
عـدل نـعـله القاسم و ما باله... حيدر
يـعـنـي مـا عـد الزلم بنعاله... حيدر
و قـام سـيـفـه يمطر بآجاله ... حيدر
صـاحـت الـعـدوان...هـذا يا ريسان
الأكـبـر الـنـشـمي...صاح إبن عمي
أرد أطـب مـيـداني... أرد أطب ميداني
ظـفـروا إجعود الرماح المشرعه ... حيدر
و جـابـوا الحومه عروس إمقبعه... حيدر
يـم أبـو فـاضـل تثني إمفرعه... حيدر
و صارت الزفه إعله روق المشرعه ... حيدر
لـوح الـرايـه...بـالـمـسـنـايـه
و الـفـرات إبـروس...طمه من الشوس
أرد أطـب مـيـداني... أرد أطب ميداني
الـقـمر و إنجومه ضووا بالفخر... حيدر
خـلـوا آثـار الـحرب للمنتظر... حيدر
و طـفحت هالقاع من دم الحمر... حيدر
ووصـل حد النجف عباس القمر... حيدر
مـن وصـل زوده...يـم قـبـر عـوده
قـلـه يـا حـيـدر...راضـي لو أكثر
أرد أطـب مـيـداني... أرد أطب ميداني |
|
