أضف الموضوع
الشاعر علي الخفاجي - 01/11/2012م - 10:26 م | عدد القراء: 3265
حـيـدر حـيـدر ...نـرفـع ابهذا الحفل صرختنه
حـيـدر حـيـدر...بـيدك ترف يا با الحسن رايتنه
إنت عشقنه و العشق مضمونه ...علي علي علي علي
أتـباعك إحنه و خلهم إيعادونه ...علي علي علي علي
كـل النواصب لازم إيسمعونه ...علي علي علي علي
نـمشي إبطريقك حته لو ذبحونه ...علي علي علي علي
حـيـدر حـيـدر...مـا تسوه من غيرك أبد دنيتنه
حـيـدر حـيـدر...بـيدك ترف يا با الحسن رايتنه
إبـحـبك يحماي الحمه إتربينه ...علي علي علي علي
مـا يوم عن هذا الدرب زلينه ...علي علي علي علي
يـوم الغدير امن القلب نادينه ...علي علي علي علي
شـيـعـتك و نبقه يا والينه ...علي علي علي علي
حـيـدر حـيـدر ...غـيرة أهلنه إنعقدت إبغيرتنه
حـيـدر حـيـدر...بـيدك ترف يا با الحسن رايتنه
أحبابك إحنه يا علي و خدامك ...علي علي علي علي
جـيـنه نقلك أسعد الله أيامك ...علي علي علي علي
إبـعيد الغدير إتحققت أحلامك ...علي علي علي علي
سـيد المله بيدك نطاك إوسامك ...علي علي علي علي
حـيـدر حـيـدر...كـلـنه نعبّر جينه عن فرحتنه
حـيـدر حـيـدر...بـيدك ترف يا با الحسن رايتنه
إنت الأصل يا علي و إنت الغايه ...علي علي علي علي
تنصيبك إبكل خطوه يكتب آيه ...علي علي علي علي
يـا با الحسن بيدك ترف الرايه ...علي علي علي علي
طـول الـزمن نبقه إلك وفايه ...علي علي علي علي
حـيـدر حـيـدر...هـيهات يوم إتغيرت كلمتنه
حـيـدر حـيـدر...بـيدك ترف يا با الحسن رايتنه
لـلـموت وياك العهد منعوفه ...علي علي علي علي
قـبرك رغم أنف الطغاة إنطوفه ...علي علي علي علي
كعبة شرفنه إبكل مسيه إنشوفه ...علي علي علي علي
جـيـنه إلك بأرواحنه الملهوفه ...علي علي علي علي
حـيـدر حـيـدر...بـيعة شرف طول الدهر بيعتنه
حـيـدر حـيـدر...بـيدك ترف يا با الحسن رايتنه |
|
