أضف الموضوع
الشاعر نجم الصراف الكاظمي - 01/11/2012م - 5:13 م | عدد القراء: 3332
يـالـمصطفه هادينه...طاها يمختار
يـالـمبعثك هادينه ...طاها يمختار
رب الـعـرش قرر...تتأيد إبحيدر
يـالـمـصـطـفـه هـاديـنه
نـورك ضّـوه كـون الله و نـاره
تـره الـوادم نـواظـرها و ناره
ربـك خـالـق الـجـنه و ناره
إعـلـه حـبكم سادتي خير البريه
أهـل الكسه ساداتي...طاها يمختار
بـيكم فرج مأساتي...طاها يمختار
و يـالأمـجد الأزهر...تتأيد إبحيدر
يـالـمـصـطـفـه هـاديـنه
الـنـبـي بـمـجان قرآنه حلاله
و يـويـل الـظـالم الحرم حلاله
إلـه يـخـتـار بـاريـنه حلاله
و حـلاله إيكون أبو الحمله ووصيه
من فاطمه و من حيدر...طاها يمختار
مـن الحسن المشّكر...طاها يمختار
و من صاحب المنحر...تتأيد إبحيدر
يـالـمـصـطـفـه هـاديـنه
إعـلـه دجرك كل ولم قلبي يهادي
إعـلـه درب الـحق تدلينه يهادي
إشـوكـت مـيعاد مهدينه يهادي
و تـرفـرف رايـته إعله الجعفريه
نـورك وهـج يتلاله...طاها يمختار
الـمثلك مصح أمثاله...طاها يمختار
و مـثـلك ميتكرر...تتأيد إبحيدر
يـالـمـصـطـفـه هـاديـنه
يـطـاهـا مالي غير إنتو و لا رد
و حـبـكم أمشي بدروبه ولا رد
إنـشـدت للناصبي عنكم ولا رد
لأنـه إيـخـاف من حامي الحميه
حـيدر علي إيخافونه...طاها يمختار
ضـيغم أسد يدرونه...طاها يمختار
مـن ضـيك إتنور...تتأيد إبحيدر
يـالـمـصـطـفـه هـاديـنه |
|
