يـمـتـه يـشـع نـورك يـبـو صـالح  علينه تـبـنـي الـمـراقـد الأربـعـه بـرض المدينه يـوم الـذي نلقاك...نبني القبر وياك...برض  المدينه يـبـو صـالـح مته بدرك يشع ضيه و بعالمه إينور بقيع  أجدادك  أمسه يا وسف أظلم و بوحشه  القبور الـحـمام  إنحسده من يرف جنحه و إعليهم  إيدور يـزور إقـبـور أيـمـتنه لجن إحنه ما نقدر  إنزور هـذي رسـالـه مـن الـمـحـب يبعث سلامه مـو  عـالـورق  يـكـتـبـهـا بجناح  الحمامه يـالـمهدي نترجاك...نبني القبر وياك...برض المدينه نـعـم غـايب يبو صالح لجن أدري ابعينك  تشاهد إبمثل سطح الأرض صارت ألف وسفه إقبور الأماجد عـجـيـبه إشقد صبر عندك يمن جفه البتاره  غامد و عـلـه إفراقك بجت العيون و أولها إعيون  المراقد ابـهـاي الـمـصـيـبـه يـعجز يسولف لساني جـن  هـدمـوا  الـكـعـبـه إبهدم ذيج  المباني دمع  الجفن  حاجاك...نبني القبر وياك...برض  المدينه يـمـن حيفه يعيش إوياه كل لحظه و ما ينسه  حيفه و  مـثـل  عـينه جرح قلبه عليهم ما يوقف  نزيفه مـتـه إنـشـوفك يبو صالح تشيد هالقبه  الشريفه و تـرفـع لـلـحسن قبره و بجفوفك تبني  مضيفه تـبـنـي مـضـيـف الـمـجـتبه يالمهدي بيدك و  بـإسـم الـحـسـن غلمانك إنصير و  عبيدك و  أنادي  عد عيناك...نبني القبر وياك...برض  المدينه أمـل  عـدنه  و على هذا الأمل صرنه ننتطر  إسنين إبـشـوفـة قـبة أجدادك يبو صالح تتكحل  العين تـشـوف الـناس للغرقد تجي إبلهفه إبفوج  الملايين و  عـقب هدمه يصير المرقد ابطيبه جن مرقد حسين بـرض الـمـديـنـه سـيـدي تـبني  المزارات وسـطـه  الـصـحـن بـأربـع و اثمن  منارات يبن  الحسن و اهناك...نبني القبر وياك...برض  المدينه إعـيـون الـوادم إتـانـي يـغـايبنه الطله البهيه و  عـيـنـك عالبقيع إتشوبح إبعبره صبح و مسيه يـبـو  صـالـح و إذا تظهر فلا تنسه لب  القضيه إبـدخـولـك  للمدينه إتراوي أحبابك قبر  الزجيه قـبـر  الـزجـيـه لـو ظـهـر تتعنه الصفوف و  نـدرٌ  عـلـيّ لـو وصلت أزحف لها  إزحوف نـتعنه  تحت  إلواك...نبني القبر وياك...برض  المدينه